Commissioning of the Upgraded On-Air Studio at Freedom Radio Kano

Shugaba Buhari ya bukaci yan Najeriya da su yi amfani da darussan wata Ramadana wajen kyautatawa juna

Shugaban kasa Muhammadu Buhari ya bukaci al’ummar musulmi da su yi amfani da darussan da ke cikin azumin watan Ramadan domin kara kusantar Ubangiji da soyayyar juna da taimakekeniya da kuma tausayawa na kasa.

 

Hakan na kunshe ne cikin wata sanarwa mai dauke da sa hannun babban mataimaki na musamman ga shugaban kasa kan harkokin yada labarai Malam Garba Shehu ya fitar jiya a Abuja.

 

A cikin sakon taya al’ummar musulmi murnar fara azumin na watan Ramadan din shugaban kasar ya yi kira ga al’ummar musulmi da su yi addu’a ga kasar nan.

 

Ta cikin sanarwar dai shugaba Buhari ya kara da cewa, manufar azumi ba wai kauracewa abinci ko abin sha bane kawai, lokaci ne da al’ummar musulmi ya kamata su tsarkake kansu daga aikata munanan laifuka.

 

Shugaban kasar ya kuma bukaci al’ummar musulmi a duk duniya baki daya da su yi koyi da kyawawan halaye irin na Annabi Muhammadu sallalahu alaihi wasallam.

Opinion Polls

Listen – iOS

Tune In

Share
Share
  • Hukumar kiyaye hadurra a Najeriya ta kama motocin sata 70 a wasu jihohin kasar
  • zamu sake nazartar sayar da kadarorin da suka shafi bangaren lantarki-Shugaba Buhari
  • kasar Isra’ila zata fice daga hukumar UNESCO