kungiyar kwadago ta cimma yarjejeniya da kwamitocin nazarin mafi karancin albashi na gwamnatin tarayya

AD INJECTION TEST ADVERT 728x90
Ad Injection
www.advancedhtml.co.uk

Shugabannin kungiyar kwadago ta kasa wadanda suka janye yajin aikin da suka yi barazanar farawa a yau Talata, sun cimma wata yarjejeniya kan mafi karancin albashi da kwamitocin nazarin mafi karancin albashi da gwamnatin tarayya ta kafa.

Shugaban kungiyar kwadago ta kasa NLC, Ayuba Wabba ne ya bayyana haka bayan kammala tattaunawar kungiyar da kwamitin mafi karancin albashi a daren jiya.

Ya ce kwamitocin nazarin mafi karancin albashi sun kammala aikinsu kuma an sanya hannu kan yarjejeniyar da aka cimma.

A cewar Ayuba Wabba, da misalin karfe hudu da kwata na yammacin yau ake saran sanar da sabon mafi karancin albashin, lokacin da za a gabatar da kunshin yarjejeniyar ga shugaban kasa Muhammadu Buhari a fadar Asorok.

Ita ma da ta ke zantawa da manema labarai shugaban kwamitocin nazarin mafi karancin albashin Ms Amma Peple, ta tabbatar da cewa sun amince kan mafi karancin albashin.

TEST ADVERT 336x280 - reviewmylife

Opinion Polls

Listen – iOS

Tune In

Share
Share
  • Hukumar kiyaye hadurra a Najeriya ta kama motocin sata 70 a wasu jihohin kasar
  • zamu sake nazartar sayar da kadarorin da suka shafi bangaren lantarki-Shugaba Buhari
  • kasar Isra’ila zata fice daga hukumar UNESCO