Connect with us

Labaran Wasanni

Hukumar NRFF ta nada Yaro a matsayin sabon mai horaswa

Published

on

Hukumar wasan kwallon Rugby ta Najeriya NRFF ta nada Abubakar Yakubu wanda aka fi sani da Yaro a matsayin sabon mai horas da kungiyar.

A cewar shugaban hukumar kwallon Rugby na kasa Kelechukwu Mbagwu an nada Abubakar Yakubu ne da nufin bunkasa kungiyar.

Kelechukwu Mbagwu ya ce kwarewar da tshohon dan wasan Rugby Abubakar Yakubu yake da ita, ita ta sanya aka nada shi duba da cewa kungiyar kwallon Rugby Najeriya na bukatar sa don ganin matasan kasar nan sun shiga wasan Rugby.

Continue Reading

Labaran Wasanni

Kano Pillars ta samu nasara karon farko a kakar wasanni ta bana

Published

on

 

Kungiyar kwallon kafa ta Kano Pillars ta samu nasarar doke takwararta ta Akwa Starlet da ci biyu da daya a wasan mako na shida na gasar Firimiya ta kasa.

Nwagua Nyima shine ya zurawa Pillars wannan kwalleye biyu a minti 27 da minti 79,  yayin da Moses Effiong ya zurawa Akwa Startet kwallonta daya tilo.

Wannan dai shine karo na farko da Kano Pillars ta samu nasara a gasar Firimiya ta kasa a kakar wasanni ta bana.

Yanzu haka dai Kano Pillars tana mataki na sha biyar a teburin da maki shida, biyo bayan buga wasanni shida.

A wasanni shida da Pillars ta fafata ta yi nasara a wasa daya, rashin nasara a wasanni biyu, sai canjasaras a wasanni uku.

A ranar lahadi mai zuwa Pillars zata buga wasan mako na bakwai da Delta Force a filin wasa na Sani Abatcha dake Kofar mata a Kano.

Continue Reading

Labaran Wasanni

Yadda Messi ya lashe Ballon d’Or karo na shida

Published

on

A ranar 2 ga watan Disambar shekarar 2019 ne hukumar kwallon kafa ta Duniya FIFA ta  bayyana sunan Kyaftin din kungiyar kwallon kafa ta Barcelona Lionel Messi a matsayin wanda ya lashe kyautar gwarzon dan kwallon kafa na duniya wato Ballon D’or na kakar wasanni ta shekarar 2018/2019.

Messi dan kasar Argentina ya doke babban abokin hamayyar sa Cristiano Ronaldo da sauran manyan ‘yan kwallon kafa na duniya wanda suka hada da, dan wasan baya na kungiyar kwallon kafa ta Liverpool Virgil Van Dijk da Muhammad Salah da Sadio Mane da Kylian Mbappe da dai sauransu.

Wannan dai shine karo na shida da Messi ya lashe wannan kyauta, inda ya kafa tarihin zama dan wasa na farko a duniya da ya lashe wannan kyauta har sau shida.

A kakar wasanni da ta gabata Messi ya samu nasarori da dama wanda suka bashi damar lashe wannan kyauta, wanda suka hada da taimakawa kungiyarsa ta Barcelona lashe gasar La ligar kasar Spaniya, duk da dai ya kasa taimakawa Barcelona lashe gasar cin kofin zakarun nahiyar turai.

A gasar La Liga Messi ya lashe kyautar dan wasan da ya fi zura kwallaye karo na 6, inda yake da kwalleye 36, a yayin da ya taimaka aka zura kwallaye 13. Wanda hakan ke nuna cewa Messi na da hannu wajen zurawa Barcelona kwallaye 49 cikin kwallaye 90 da kungiyar ta zura a kakar wasanni da ta gabata.

Wannan dai shine karo na 5 da Messi yake zura kwallaye fiye da 35 a gasar La Liga. Haka kuma karo na shida yana zura kwallaye fiye da 50 a dukkanin wasanni da ya fafata a kakar wasanni guda daya.

Messi shine dan wasan da ya fi zura kwallaye a gasar cin kofin zakarun nahiyar turai wato Champions League, inda yake da kwallaye 12 cikin wasanni 10 da ya buga.

Haka kuma shine ya lashe kyautar gwarzon dan kwallon kafa na hukumar dake shirya gasar cin kofin zakarun nahiyar turai wato UEFA.

Kwallon da Messi ya zurawa kungiyar kwallon kafa ta Liverpool daga bugun tazara a gasar cin kofin zakarun nahiyar turai itace aka zaba a matsayin kwallo mafi kyau a kakar wasanni da ta gabata.

Jerin ‘yan wasa goma da suka fi bajinta a kakar wasannan ta 2018/2019.

  1. Lionel Messi (Barcelona and Argentina)
  2. Virgil van Dijk (Liverpool and Netherlands)
  3. Cristiano Ronaldo (Juventus and Portugal)
  4. Sadio Mane (Liverpool and Senegal)
  5. Mohamed Salah (Liverpool and Egypt)
  6. Kylian Mbappe (Paris St-Germain and France)
  7. Alisson (Liverpool and Brazil)
  8. Robert Lewandowski (Bayern Munich and Poland)
  9. Bernardo Silva (Manchester City and Portugal)
  10. Riyad Mahrez (Manchester City and Algeria)

Wannan dai shine karo na farko cikin shekaru goma babu dan wasa ko guda daya daga kungiyar kwallon kafa ta Real Madrid cikin jerin ‘yan wasa goma da suka fi nuna bajinta a kakar wasan data gabata.

 

 

Continue Reading

Labaran Kano

Gwamnatin tarayya za ta samar da wuta mai amfani da hasken rana

Published

on

Ministan wutar lantarki na kasa Injiniya Sale Mamman, ya ce akwai bukatar samar da karin manyan dama -damai da za su kara inganta harkar samar da wutar lantarki a kasar nan.

Injiniya Sale Mamman na bayyana hakan ne yayin zantawar sa da gidan radiyo freedom kan cika shekaru dari da yayi a ofis na irin ayyukan da ya gabatar a ma’aikatar.

Ya ce ana sa ran samun wutar lantarki mega watt dari bakwai a tafkin Shiroro da na kainji, wanda a yanzu da kyar ake iya samar da mega watt dari hudu, hakan na daya daga cikin kalubalen da ke kawo koma baya a sha’anin wutar lantarki a kasar nan.

Ya kuma ce ma’aikatar wutar lantarki sun dukufa wajen ganin ta ci gaba da samar da wutar lantarki yadda ya kamata musamman ta hanyar hasken rana da iska.

Sale Mamman ya kuma ce duba da rashin ishashiyar wutar lantarki da ake samu a Arewacin kasar nan ne ya sanya ma’aikatar za ta samar da Karin tashohin wutar a nan Arewa musamman a jihar Kano dan inganta masana’antun dake yankunan.

Injiniya Sale Mamman ayayin tattaunawar ya kuma ce, manyan kamfanonin dake karbar wutar dan rabawa ga al’umma suna daya daga cikin wadanda ke kara ta’azzara rashin wuta a kasar nan ta yadda idan an turo wutar basa iya karba dan rabata ga jama’a.

Ya kuma ce kamfanonin dake raba wutar a kasar nan sunfi so sukai ta zuwa unguwannin da suke biyan su kudade masu Asoka ko kuma kamfanoni, ta yadda ta hakan ne kadai suke iya samun kudade masu yawa.

Injiniyya Sale Mamman ya ce jihohi da dama a kasar nan da dama basa iya biyan kudin wutar da suka karba, inda ya buga misali da jihar Lagos da cewa bata iya biyan kashi daya cikin hudu na kudin wutar da ake bata a duk wata.

Shugaban ya ce hanya da ya ce za’a iya bi dan magance matsalar rashin samun ishashiyar wutar lantarki ,ita ce samar da mitoci a gidaje ta yadda kowa zai iya sanin wutar da yake sha, suma masu kamfanonin su samu saukin karbar kudaden wutar a hannun al’umma.

Inda ya ce ma’aikatar ta na nan ta na gudanar da tsari ta yadda za ta sanyawa kowanne gida da shaguna da kamfanoni mita yadda kowa zai dinga sanin wutar da yake sha kuma za’a sanya mitocin ba ko sisin mutun ta yadda za’a dinga cire kudin mitar ahankali har mutun ya gama biya.

Ya ce yanzu ma’aikatar na nan na duba yiwuwar samun masalaha tsakanin masu karbar wuta da masu rabata yadda za’a samu ingantacciyar wuta musamman yadda za’a cigaba da samun cigaban tattalin arzikin da ya kamata.

Injiniyya Sale Mamman ya ce ma’aikatar na nan na kokarin shigo da tsarin da zai baiwa kananan ‘yan kasuwa wutar lantarki suna sayar da ita ga al’umma ta yadda wadanda ke bukatar wutar da yawa za su dinga samunta yadda ya kamata dan saukaka musu aiyuukan su da cigaban tattalin arzikin su.

Ko da aka tambaya shi wasu kasashen da ke makwabtan da kasar nan ke samun wuta awanni ashirin da hudu batare da daukewa ba kuma suna samun wutar ne daga nan Najeriya sai ya ce kasashen na biyan kasar nan kudin wuta yadda ya kamata sabanin yadda abin yake a nan gida Najeriya.

 

Continue Reading

Now Streaming

Trending

Copyright © 2019. Freedom Radio Group. All Rights Reserved.