Labaran Kano
Sarki Muhammadu Sunusi II ya amsa takardar tuhumar da gwamnatin Kano ke masa
Mai martaba sarkin Kano Malam Muhammadu Sanusi ll ya musanta zargin da Hukumar karbar korafi da yaki da cin hanci da rahsawa ta jihar Kano ke masa na barnatar da sama da naira biliyan uku mallakin masarautar Kano.
Wannan na kunshe cikin takardar tuhumar da sarkin ya amsawa gwamnatin jihar Kano, mai dauke da sa hannun mukaddashin sakataren majalisar masarautar Kano Malam Abba Yusuf.
A cewar sarkin lokacin da ya hau karagar mulkin Kano, ya samu naira biliyan daya da miliyan dari takwas da casa’in da uku, da dubu dari uku da talatin da takwas, da dari tara da ashirin da bakwai, da kuma kwabo talatin da takwas a lalitar masarautar.
Mai martaba sarkin Kano ta cikin takardar ya kuma bayyana cewa shi ba jami’in lura da sashen kudi bane, don haka bashi da alhakin yadda za’a sarrafa kudin masarautar Kano.
Idan za a iya tunawa dai a ranar Alhamis din da ta gabata ne gwamnatin jihar Kano ta aikewa Malam Muhammadu Sanusi na biyu takardar tuhumar, kan zargin da ake masa da barnatar da sama da naira biliyan uku mallakin masarautar, tun daga lokacin da ya hau mulki zuwa yanzu.
Wata kungiya dake tallafawa wadanda aka ci zarafinsu, marayu da kuma marasa galihu mai suna ISSOL, ta shawarci al’umma dasu rinka taimakon marayu da raunana tare da jansu a jiki don rage musu radadin da suke ciki na rayuwa.
Shugabar kungiyar Barista Sadiya Adamu Aliyu ce ta bayyana haka yayin rabon kayan tallafin karatu da kungiyar tayi a makarantar marayu da raunana ta Darul Yateem dake unguwa Uku a karamar hukumar Tarauni a nan kano.
Ta kara da cewa kamata yayi mawadata a cikin al’umma su rinka bude irin wadannan makarantun da zasu rinka ilmantar da marayu da marasa galihu don bunkasa iliminsu kamar sauran yara masu galihu.
A nasa bangaren wacce ta assasa makaranta Malama Fatima Abdullahi ta bayyana cewa makasudin bude makaranta shine don ilmantar da marayu da kuma raunana inda tayi kira ga Gwamnatin jihar kano dasu taimakawa makarantar da karin a zuzuwa tare da samarwa da mata mazauni na dindindin.
Wakilin mu Shamsu Dau Abdullahi ya rawaito cewa kungiyar ta ISSOL ta raba kayan karatu da kayan abinci ga iyayen yara da malam makarantar ta Darul Yateem.
Sarkin Benin , Oba Ewuare II ya bukaci gwamna Abdullahi Umar Ganduje da ya sake nazari dangane da Karin sabbin masarautun jihar Kano.
Sarkin ya bayyana haka ne a jiya lokacin da suka kai ziyara fadar gwamnatin jihar Kano.
Ya ce abin damuwa ne karin sabbin masarautun jihar Kano, inda ya bukaci gwamnan da ya sauya ra’ayin sa na wannan kari, ya kara da cewa a zantawarsu da gwamnan ya nuna yiwuwar duba kan wannan batu.
Inda ya ce za su duba yiwuwar hakan, sarkin na Benin ya ce, yana magana da yawun bakin ‘yan uwansa na rokon gwamnan da ya sake tunani kan wannan al’amari na Karin masarautu a jihar Kano.
Mai martaba Sarkin Kano Muhammadu Sunusi na II, ya taya gwamnan jihar Kano murnar samun nasara a kotun koli na jaddada Kujerar sa a matsayin zababben gwamnan jihar Kano.
Muhammadu Sunusi na II, ya yi wannan kiran ne a yau a dakin taro na Afirka House, a lokacin da ya raka Oba na Benin Omo N’oba N’Edo UkuAkpolokpolo Ewuare na II, ziyara ta musamman wajen gwamnan jihar Kano.
Kazalika, Sakin yayi kira da a samu hadin kai tsakanin masu rike da madafun iko da masu sarautun gargajiya, don samar da jagoranci na gari tare da yiwa al’umma aiyyukan raya kasa.
Har ila yau, Muhammadu Sunusi na II, ya kara da cewa, lokaci ya yi da za’a manta da banbance da rashin jituwa tare da sa cigaban jiha a gaba.
Gwamna Ganduje ya nada Sarkin Kano Muhammad Sunusi shugaban majalisar Sarakunan Jihar Kano
Sarkin Kano ya bude masallacin juma’a na sabuwar jami’ar Bayero
Hukumomin kiwon lafiya na yin dukkanin mai yuwa kan cutar lassa- Sarkin Kano
A nasa jawabin Oba na Benin, Omo N’Oba N’Edo Uku Akpolokpolo Ewuare na II, ya ce Sarakunan gargajiya a fadin kasa na da muhimmiyar rawar da suke takawa wajen hadin kan al’ummar kasar nan mai Kabilu da al’adu daban -daban, wanda hakanne ya sanya ya taso musamman don jaddada wannan kudiri tsakanin al’ummar sa da ta jihar Kano.
Shima a nasa jawabin gwamna Dr. Abdullahi Umar Ganduje, ya ce gwamnatin sa a shirye take da hada kai tare da karbar shawarwari, daga dukkan masu rike da masarautun gargajiya a fadin kasar nan, kasancewar su wata Rumfa mai muhimmanci wajen, hadin kan al’umma, da zaman lafiya tare da bunkasa kasa gaba daya.
Wakilinmu na fadar gwamnatin jiha Aminu Halilu Tudunwada, ya ruwaito mana cewa Sarakunan guda biyu na Kano da na Benin, sun samu rakiyar tawagar wasu daga cikin hakimansu a ziyarar da suka kai fadar gwamnatin jiha.
-
Labaran Kano4 weeks agoMarigayi mai martaba Sarkin Kano Alhaji Ado Abdullahi Bayero yana Kallan wasan kwaikwayon Hankaka
-
Labaran Kano1 week agoDa dumi-dumin sa- Wasu likitoci sun rasu bayan yiwa wata mace tiyata
-
KannyWood4 months agoAn fara sulhu tsakanin jaruman da suka yi auren mutu’a
-
KannyWood4 months agoYadda akayi auren mutu’a a Kannywood
-
KannyWood3 months agoAbinda ya sanya ba zan iya auren Yawale a zahiri ba -Rayya
-
KannyWood4 months agoAbinda yasa ‘yansanda suka cafke Sadiya Haruna
-
KannyWood4 months agoKun san abinda ya hana jaruma Maryam Yahya aure?
-
Manyan Labarai3 weeks agoYansanda sun cafke wata mata da tura kishiyar ta rijiya a karamar hukumar Rano