Connect with us

Rahotonni

Abubuwan da ya kamata ku sani game da ranar masana harhada magunguna ta duniya

Published

on

Kungiyar masana kimiyyar harhada magunguna ta kasa ta sha alwashin tallafawa gidajen marayu da masu fama da lalurar kwakwalwa da magunguna don inganta lafiyarsu.

Sakataren kunggiyar Kwamared Rabi’u Abu Tandama ne ya shaida hakan a yau, jim bayan kammala shirin Barka da Hantsi na nan Freedom Radio, wanda ya mayar da hankali kan ranar ilimin kimiyyar hada magunguna ta duniya ake gudanarwa yau, wanda Majalisar dinki duniya ta ware.

Ya kuma da cewa akwai shirye- shirye da dama da suka tsara gudanarwa a wannan rana don tunawa da bikin a nan Kano.

A na ta bangare Shugabar mata ta kungiyar reshen Kano Ayat Uba Adamu, kira ta yi ga iyaye da su rinka barin ‘ya’yansu mata suna shiga harkokin karatun da suka shafi kimiyya, musamman ma na aikin hada magunguna.

Taken bikin na bana dai shi ne dacewar mai ilimin kimiyyar hada magunguna a duniyar magani.

Rahotonni

Waiwaye: Yau shekaru 8 da kai harin Boko Haram na farko a Kano

Published

on

A ranar ashirin ga watan Janairun shekarar dubu biyu da goma sha biyu ne wasu ‘yan ta’adda suka kai wasu tagwayen hare-haren Boma-Bamai a wasu wurare a nan jihar Kano.

Wuraren da hare-haren suka shafa sun hadar da hukumar kula da shige da fice ta kasa dake kusa da kasuwar sai da wayoyi ta Farm Center da shalkwatar ‘yan sanda shiyya ta daya wato Zone One da Bompai da kuma ofishin hukumar tsaro ta DSS da dai sauran su.

Hakan dai yayi sanadiyyar mutuwar mutane da dama ciki har da jami’an tsaro da kuma manema labarai.

A yau ne dai ashirin ga watan Janairun shekarar 2020 ake cika shekaru takwas da faruwar hare-haren Bama-Baman a Jihar Kano.

Hare-haren da aka samu a shekarar ta dubu biyu da goma sha biyu shine karo na farko da jihar Kano ta fuskanci makamancin sa a tarihin ta, wanda yayi sanadiyyar rasa rayukan jama’a da dama da kuma asarar dukiyoyi masu tarin yawa.

A dai ranar ce al’ummar jihar Kano suka taba karo da makamancin wannan tashin hankali da ya razana kowa tare da kidima jama’a, inda ranar kuma ta shiga cikin ranakun tarihi a jihar Kano kasancewar ba za’a taba mantawa da irin bala’in da al’umma suka tsinci kansu a cikin ba.

Freedom Radiyo ta zanta da wasu mutane da abin ya faru akan idan su a wanccan lokacin game da yadda suke ji idan suka tuna da wannan rana, sai suka ce sunajin babu dadi duba da yadda suka rasa ‘yan uwansu a wancan lokacin.

Shi kuwa shugaban kasuwar sai da wayoyi ta Farm Center Alhaji Tijjani Musa Muhammad cewa yayi tun daga wancan lokacin kasuwar ta himmatu wajen kara inganta tsaro a wani bangare na ci gaba da kare rayuka da dukiyoyin al’umma,  da kuma tallafawa ‘ya’yan mutanen da suka rasa ransu sanadiyyar harin.

Shima a nasa bangaen mai magana da yawun rundunar ‘yan sandan jihar Kano DSP Abdullahi Haruna Kiyawa ya yi kira ga al’umma da su dinga sanar da jami’an tsaro idan sunga wani bakon al’amari da basu yadda da shi ba.

Continue Reading

Labarai

Nazari kan kalubalen da masu Lambu ke fuskanta a Kano

Published

on

Duba da yanayin sanyi da rashin ruwan sama,rijiyoyi na kafewa da rashin isashshen ruwa a gari,wasu daga cikin masu shuka kayan lambu suna amfani da gurbataccen ruwa wajen  ban ruwa a sakamakon rashin wadatar ruwa dama na sama.

Kamar yadda aka sani Kayan lambu na taka  muhimmiyar rawa a jikin dan Adam duba da Karin lafiya da  jini,  sakamakon haka ne ya kamata a tsaftace su tun  daga matakin shuka su har zuwa lokacin amfani da su.

Haka kuma wasu masu shuka kayan lambu suna amfani ne da gurbataccen ruwa wajen baiwa shukokinsu ruwa,inda yin hakan kuma yake  jawo matsala ga lafiyar al`umma kamar daukar cututtukan da ke iya barazana ga lafiyar dan adam

Akan haka ne wakiliyar mu Fatima Abdullahi Malle tayi duba akan  batun ga rahotan ta.

Continue Reading

Rahotonni

Abinda ke ciwa mutane tuwo a kwarya a asibitin AKTH Kano

Published

on

Featured Video Play Icon
Latsa hoton dake sama domin sauraron cikakken bayanin cikin sauti.

Wani bincike da Freedom Radio ta yi ya gano yadda ake fama da matsala wajen tsarin karbar kudi a zamanance da ake kira da “Cashless Policy” a asibitin koyarwa na Aminu Kano.

Wato dai babu kyakkyawan tsari na zamani wajen biyan kudi daga masu mu’amala da asibitin ta tsarin POS.

A wannan zamani da muke ciki na takaita ta’ammali da kudade a hannun jama’a wato “Cashless Policy,” ana ganin hakan ba karamin koma baya bane ga asibitin koyarwa kamar na Aminu Kano.

Labarai masu alaka:

Kano: Masu fama da cutar koda sun roki gwamnati ta mayar da wankin Koda kyauta

Asibitin AKTH zai gudanar da jarabawar kwarewa ga likitoci fiye da dubu

A yanzu dai babu damar biyan kudi ta hanyar amfani da zamani a asibitin sai dai abi tsarin karbar zunzurutun kudi tsaba ta hannu-hannu.

Wannan tsari dai ya haifar da cunkuso a wurin biyan kudin domin kuwa sai mutum yabi dogon layi kafin ya samu biyan kudin aiki a asibiti.

Wakilin Freedom Radio Nasir Salisu Zango ya gano yadda hatta masu sayar da abinci a asibitin Malam Aminu Kano na amfani da na’urar hada-hadar kudi ta POS.

Koda yake Freedom Radio ta gano cewa akwai wanda ya kafa sana’ar cirar kudi ta na’urar POS din a harabar asibitin, amma hakan ya gagara samuwa a tsarin ta’ammali da hada-hadar kudi a asibitin na Aminu Kano.

Da wannan ne Freedom Radio ke shawartar hukumar asibitin kan tayi duba, don tausayawa al’ummar dake hulda da asibitin.

Labarai masu alaka:

Asibitin kashi na Dala ya fadakar da dalibai illar gobara

AKTH ya samu nasarar gudanar da aikin kwakwalwa karo na biyu

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!