Connect with us

Labarai

Labarin Zakunan da  suka taba ballewa a fadar shugaba Buhari.

Published

on

A satin da muka yi bankwana da shi ne zaki ya balle daga kejinsa a gidan ajiye namun daji na   jahar Kano, kafafan yada labarai da dama ne suka bayar da Labaran ballewar zakin daga gidan namun dajin na jahar Kano.

Rahotanni sun yi nuni da cewa wannan zaki ya koma ma’ajiyarsa da kansa duk da gayyato masu allurar kashe jiki ta manyan dabbobi irin su zaki da kwararru suka yi daga Abuja, da sauran gurare da aka yi gayyar.

Zakin na gidan adana namun dajin ya tayar da hankalin al’umma daban daban har su kansu al’ummar yankin basu samu kwanciyar hankali ba, sakamakon sanarwar cewa su kula da abunda kaje ya kawo kafin a kame zakin da garkame shi.

Manyan namun daji irin su zaki da zakanya na bukatar kula yadda ya kamata ,shin gidan namun daji na jahar Kano , wacce matsala da ya kamata a shawo kanta tun fil azal an yi nasara.

A zamanin mulkin Janar Abdussalami Abubakar rikakkun zakuna sun taba ballewa daga kejin da suke inda suka rika ruri a harabar fadar ta shugaban kasa ,har ta kai tsohon shugaban kasa janar Abdulsalami Abubakar hankalin sa ya kai ga zakunan da bayar da umarnin harbe su.

Malam Yahaya Zariya na daya daga cikin maaikatan fadar shugaban kasar Najeriya a lokacin da zakuna suka ballle a fadar.

A binciken tarihi da Freedom radio tayi ya nuna cewa Malam Yahaya na aiki a fadar shugaban kasa tun lokacin birnin tarayya na Legas, a fadar Dodan Barrack.

Lokacin da shugaban kasa Janar Ibrahim Babangida ya dawo da mazaunar Gwamnatin tarayya a Abuja malam Yahaya mutumin Zariya ya cigaba da aiki a lambun fadar Shugaban Najeriya.

Malam Yahaya yace a lokacin mulkin marigayi Janar Sani Abacha an bashi kyautar jariran zakuna daga kasar Sierra leone zamanin mulkin Ahmad Tijjani Kabbah.

Sannan marigayi Shugaba Abacha ya siyo wasu jariran zakuna da Malam Yahaya ya cigaba da kula da su har suka rika.

A bibiyar Tarihin da gidan rediyan Freedom yayi tace lokacin da zakunan na fadar Shugaban Najeriyar suka rika kuma Malam Yahaya na kiwon su sai da masana ilimin dabbobin daji suka umarce shi da ya rage kusantar wadannan namun daji sakamakon rika da suka yi.

Mai kula da zakunan yace sakamakon sabawa da yayi da Zakunan na fadar shugaban kasa, bai daina kusantar suba domin shi yake ciyar da su abinci a wannan lokaci ta hanyar yanka musu raguna.

Malam Yahaya mai aiki a fadar ta shugaban kasa ya kara da cewa wata rana an samu kuskure a fadar ta shugaban Najeriya zamanin mulkin janar Abdulsalami Abubakar ,sai Zakunan suka balle aka kasa shawo kansu a fadar ta shugaban kasa.

Hakan ya jawo hankalin tsohon shugaban kasa Janar Abdulsalami Abubakar inda ya bayar da umarnin rundunar sojan dake tsaran fadar ta shugaban kasa da su harbe Zakunan na fadar ta shugaban kasar.

Jin haka hankalin Malam Yahaya mutumin Zariya ya tashi saboda kaunar da yake yiwa wadannan zakuna.

Malam Yahaya ya yi ta maza, ya sai da rai, inda ya shiga kejin Zakunan na fadar shugaban kasa ya yi wa Zakunan kiranye sai suka biyo shi suka shiga ,shi kuma yayi sauri ya rufe kofar ya fuce ta wata.

 

Continue Reading

Labarai

Majalisar yara na yaki da safarar kananan yara

Published

on

Majalisar yara ta kasa tace majalisar tana yaki da  safarar yara  zuwa wasu garuruwan da nufin yin aikatau.

Shugabar kwamitin kare hakkin yara ta majalisar Aisha Ayuba Usman ce ta bayyana hakan ta cikin shirin barka da hantsi na nan tashar freedom rediyo da ya mayar da hankali kan irin cin zarafin kananan yara da ake yawan samu a wannan lokacin.

Aisha Ayuba Usman kuma kara da cewa kalubalen da majalisar ke samu a yanzu bai wuce yadda suke samun karancin kai koke ga majalisar ba,duk da cewa ana samun yawaitar cin zarafin kananan yara.

Majalisa ta yanke hukuci ga masu laifi a shafukan sada zumunta

Majalisa ta bukaci hukuncin shekara 5 a gidan yari ga duk malamin da aka kama da cin zarafi

Kai tsaye: An Kammala tantance sunayen kwamishinoni -Majalisar Kano

A nasa bangaren shugaban majalisar yara ta jihar Kano Ameer Mahmud yace iyaye su dinga lura da irin abokanan da yaransu suke mu’amullad dasu.

Da take nata tsokacin mataimakiyar shugaban majalisar yara ta jihar Kano salma umar garo ta ce babbar matsalar da ake samu a yanzu shine yadda iyaye basa jan yaran su a jiki.

Bakin sun karkare da kira ga iyaye dasu dage wajan bawa yaran su ilimi mai inganci domin samun nagartacciyar al umma a nan g

Continue Reading

Labarai

Ko kun san abinda yasa hukumomin kashe gobara ke fuskantar matsala?

Published

on

Wani bincike da a baya-bayan nan aka gudanar ya bayyana cewa hukumar kashe gobara a jahohin kasar nan na fama da rashin wadatattun kayayyakin aikin da zasu kai agaji a yayin da wani ibtila’i ya afko.

Haka kuma binciken ya gano yadda Gwamnatocin jahohin basa mayar da hankali wajen ganin sun samarwa da hukumar wadatattun kayayyakin aiki da zasu ci gaba da ayyukan su cikin sauki

Daga cikin jahohin da binciken ya bayyana wadanda suke da karancin kayayyakin aiki a hukumar kashe gobara akwai jihohin Kano da Jigawa da Gombe da Kogi da Kebbi da Calaber da Anambra da Katsina da kuma Nassarawa da dai sauran su.

Binciken ya gano cewa daga cikin kayayyakin aikin da hukumar ta rasa akwai rigunan da kan taimakawa jami’an damar shiga don kashe gobara da kuma karancin ruwa mai dauke da sinadarin kashe gobara, da rashin  na’urar da kan taimaka musu wajen shakar iska a yayin da suke aikin shawo kan wani ibtila’i har ma da karancin motocin sufuri.

Dole ne Al’umma su hada kai da hukumar Kashe gobara-Usman Alhaji

Majalisar wakilai na binciken kudaden da aka warewa hukumar kashe gobara

Gobara ta tashi a FCE dake Kano

Akan hakan ne wakiliyar mu Madina Shehu Hausawa ta zanta da wasu mutane anan Kano, inda suka bayyana irin koma bayan da rashin wadatattun kayan aiki a hukumar ke haifarwa musamman a yayin da ake bukatar agajin gaggawa, suna masu cewar a gaskiya dole gwamnati ta tallafawa wannan hukuma kasancewar tana fuskantar kalubale daban-daban.

Jami’in hulda da jama’a na hukumar kashe gobara ta jihar Kano Sa’id Muhammad Ibrahim ya bayyana cewa hukumar su bata da wata matsala ta kayayyakin aiki kamar yadda waccan rahoto ya bayyana inda yace a yanzu haka ma sun fi hukumar kashe gobara ta gwamnatin tarayya wadatattun kayan aiki.

Wakiliyar mu Madina Shehu Hausawa ta sake zantawa da wani mai fashin baki kuma shugaban kungiyar kare hakkin dan Adam ta Network for justice da ke nan jihar Kano, Dr Bala Abdullahi Gabuwama ya bayyana cewa koma baya ne ga jahohin kasar nan wajen kin samar musu da kayayyaki aiki musamman ma a hukumar kashe gobara.

Ya kara da cewa kasar nan ta ci gaba wajen gine-ginen benaye masu tsayi wanda kuma rashin kayayyaki da zai taimaka wajen dakile ibtila’i  babban koma baya ne ga sha’anin mulkin kasa.

Dr Bala Abdullahi Gabuwama yace a bayyane yake bambancin ma’aikatan gwamnatin tarayya da na jahohi ko da kuwa a bangaren kasafin kudi, sai dai yace idan har jahohin suka jajirce to kuwa za su samar da fiye da abin tarayyar zata samar.

 

 

 

 

Continue Reading

Labarai

‘Yan Najeriya na fuskantar karancin abinci – kungiyar FAO

Published

on

A baya bayan nan ne wata kungiyar majalissar dinkin duniya dake lura da abinci da hakar noma da ake kira da “The food and agriculture organization” ta gudanar da bincike dake bayyana cewa sama da ‘yan Najeriya miliyan hudu da dubu dari biyu ne ke fuskantar matsanancin karancin abinci dake gina jiki a kasar nan.

Binciken wanda aka yi a jihohi goma sha bakwai dake Arewacin kasar nan, ya nuna cewar, za’a fuskanci matsanancin karancin abincin dake gina jiki daga watan Yuni zuwa watan Disambar shekara ta 2020 matukar ba a dauki matakin kare afkuwar hakan ba.

Wakilin mu Aminu Abdullahi Ibrahim daya bibiyi binciken rahoton  ya rawaito mana cewar,an dai fara gudanar da binciken ne a shekara ta dubu biyu da 2016 da jihohi takwas a Arewacin kasar nan inda daga bisani aka karasu zuwa goma sha shida da nufin gano jihohin da suke fuskantar matsalar ta karancin abincin dake gina jiki don janyo hankalin masu ruwa da tsaki domin magance matsalar.

Ministan kwadago ya sha alwashin fara aiwatar da tsarin mafi karancin albashi

Ranar Abinci ta duniya: Mai masana suka ce kan wannan?

Abincin Naira 30 ya jawo cecekuce.

Rahotan ya kara cewa jihar Yobe ita ce akan gaba yayin da Borno ta kasance ta biyu sai Adamawa wacce ita ce jiha ta uku da suka fi fama da matsalar ta karancin abincin.

Sai dai rahoton ya alakanta samun rikicin kabilanci da matsalar tsaro da Ambaliyar ruwa da kuma barkewar cututtuka amatsayin ababen dake haddasa matsalar ta karancin abinci a Najeriya.

A nata bangaren gwamnatin tarayya ta bakin minista noma da raya karkara tayi godiya da sakamakon binciken, inda tace zai taimakawa gwamnati wajen ganin ta yi amfani da hanyoyin da suka dace don yaki da yunwa da kuma karancin abinci a kasar nan.

Kan wannan batu ne freedom radio ta jiyo mabanbanta ra’ayoyin wasu mutane a nan Kano.

Wani tsohon soja a nan Kano warrant officer II, Nasiru Muhammad, ya bayyana cewa rashin tsaro da aka alakan tashi da matsalar karancin abinci da ake fama dashi a kasar nan, ya samo asali ne tun a baya, inda yace gwamnati tayi sakaci wajen barin matasa babu aikinyi da rashin kyautatawa ma’aikata wanda hakan ke kara ta azzara matsalar tsaro.

A nasa bangaren wani masani a fanin aikin gona farfesa Musa Tukur Yakasai, yayi tsokaci a kan lamarin inda yace talauci na takarawar gani wajen ta’azara matsalar karancin abincin dake gina jiki.

Malamin ya kara da cewa kamata yayi gwamanati ta bunkasa hanyoyi daban-daban da zasu samar da abincin dake gina jiki bawai maida hankali kan noman shinkafa da sauran kayayyakin hatsi ba.

AMasana da dama a bangaren ayyukan noma da masu ruwa da tsaki na fatan sakamakon wannan bincike zai taimaka don magance matsalar karancin abinci da wasu daga cikin al’ummar kasar ke fuskanta.

Continue Reading

Now Streaming

Trending

Copyright © 2019. Freedom Radio Group. All Rights Reserved.