Connect with us

Manyan Labarai

Menene Alfanun Tafiye Tafiyen Shugaba Buhari?     

Published

on

Daga lokacin da shugaban kasa Muhammadu Buhari ya karbi mulkin Najeriya a shekarar 2015 shugaban kasar ya fara tafiye tafye zuwa kasashen waje.

Wadannan tafiye tafiyen da shugaba Buharin ke yi tun karbar ragamar mulki a hannun tsohon shugaban kasa Goodluck Ebele Jonathan makusanta shugaba Buharin ke alakanta tafiye tafiyen da shugaban ke yi da nemowa Najeriya makoma a sauran kasashen Duniya.

Tun farkon shekarar 2015 wato ranar 3 ga watan Yuni shugaba Muhammadu Buhari ya tafi kasar Niger domin tattaunawa da shugaba Muhammadu Issoufu a game da rikicin Boko Haram da ya addabi Najeriya kafin hawan shugaba Buharin mulki.

A zangon shugaba Muhammadu Buhari na farko ‘’yan kasa da dama na yiwa shugaban uzuri ganin cewa Gwamnatin ta sa jaririya ce,kuma tana bukatar lokaci domin a saita al’amuran Najeriya.

Daga cikin kariyar da makusanta shugaban kasar suka rika bayarwa har da nemawa Najeriya jari da habaka yanayin kasuwanci da kasashen waje.

Amma duk da wadannan dalilai da  akai ta bayarwa  har shugaban kasa Buhari ya kammala waadin sa na farko a matsayin shugaban kasa , suka daga bangarori musamman ma na ‘’yan adawa ke nuni da cewa tafiye tafiyen na shugaban kasa Muhammadu Buhari bai kawo wa  Najeriya alfanu ba .

Ko a kasafin kudi na shekarar badi da shugaban kasa Muhammadu Buhari ya gabatar a farkon watan Oktoban da muke ciki na fiye da naira triliyan 10, har wasu masu fashin baki suke kallan kasafin kudin kasar na shekarar badi a matsayin lissafin dokin rano duba da yadda ba’a cika aiwatar da kasafin ba yadda ya kamata.

Ayyana kasafin kudin da shugaba Muhammadu Buharin ya gabatar a matsayin lissafin dokin rano ya sa wasu ke ganin tunda har fitar da yake yi zuwa kasashen Duniya ba ta haifar da da mai ido ba , duk da yawon da shugaban yake yi zuwa wasu kasashen Duniyar domin inganta tattalin arzikin Najeriya.

Kididdiga ta nuna cewa a shekara ta 2015 kadai a watannin farko guda bakwai na hawan sa karagar mulki shugaban kasa Muhammadu Buhari ya kai ziyara kasashen Duniya 16,inda a shekarar 2016 ya ziyarci kasashen Duniya 21.

A shekarar 2017 kuma shugaba Buharin ya ziyarci kasashe uku kacal ,sannan a shekarar bana shugaba Buhari ya kai ziyara kasashe uku idan kuma aka hada da ziyarar da yake yi a yanzu a kasar Saudi Arabia , shugaban ya ziyarci kasashe hudu ke nan ,daga shekarar day a hau mulkin zuwa yau a ka’idance shugaban kasa Muhammadu Buhari ya ziyarci kasashe 47 kenan.

Wadannan tafiye tafiye da Shugaba Muhammadu Buhari ke yi menene alfanun su ga ‘’yan Najeriya lokacin da waadin mulkin shugaban ya fara nisa.

Labaran Kano

BUK ta horas da mutane kan yadda zasu rika sarrafa kudaden su

Published

on

Cibiyar nazarin harkokin bankuna da kudi a musulince ta jami’ar Bayero, ta ce da yawa daga cikin kudaden da mutane suke kashewa a wannan lokacin suna kashesu ne ta hanyar da bata daceba.

Daraktan cibiyar Farfesa Binta Tijjani Jibril ce ta bayyana hakan yayin taron horar da Ilimin harkokin kudi ga kungiyoyin makarantun addinin Musulunci da cibiyar ta gudanar yau a tsangayar koyar da ilimin shari’a dake jami’ar ta Bayero a nan Kano.

Farfesa Binta Tijjani Jibril ta kuma ce ya kamata mutane su koyi yadda za su dinga kashe kudaden su ta hanyar da ta dace ta yadda tattalin arzikin kasar nan zai bunkasa yadda ya kamata a hanyoyi da dama.

Ta kuma ce da yawa daga cikin mutanen kasar nan suna samun kudade a ayyukan da suke gudanarwa sai dai basu san irin hanyoyin da za su bi ba wajen kashe kudaden na su ta hanyar data dace.

Farfesa Binta Tijjani Jibril

Farfesa Binta ta kuma yi kira ga gwamnatocin kasar nan kan su dage wajen bunkasa ilimi a tsakanin al’umma ta yadda za su iya kashe kudaden su ta hanyar da ta dace.

Har ila yau ta kuma ja hankalin gwamnati wajen samar da ayyukan yi tsakanin al’ummar kasar nan, ta yadda za’a rage mutanen da basu da ayyukan yi.

Wasu daga cikin mutanan da suka halarci taron horarwar sun bayyana jindadin su, bisa yadda aka gudanar da laccar musamman yadda aka nuna musu yadda za su kashe kudaden su a tsarin addinin musulinci.

Masana harkokin kudi da dama ne suka halarci taron horarwar inda sukayi bayanai da dama kan yadda ya kamata mutune subi wajen kashe kudaden su.

Labarai masu alaka:

BUK: dalibai 300 sun sami tallafin karatu

Jami’ar Bayero ta bukaci mahukunta su cigaba da amfani da takardun SUKUK don ciyar da al’umma gaba

Continue Reading

Labarai

Kai tsaye: Cigaba da bikin yaye daliban jami’ar tarayya ta Dutse

Published

on

Note: Ana cigaba da sabinta wannan shafi, ku cigaba da bibiya


Dalibai guda dari 786 ne jami’ar tarayya ta Dutsen jihar Jigawa, ke bikin yayewa a yau.

Rahotanin sun bayyana cewar, daga cikin dalibai dari bakwai da tamanin da shida (786) da ake bikin yayewa, hamsin da biyu (52) sun samu digiri mai matakin daraja ta farko wato First Class.

Kuma wannan shi ne karo na 5 da jami’ar ke bikin yaye dalibai.

Yanzu haka ana dab da kammala wannan biki da dake gudana a babban dakin taro na jami’ar.

A jawabin da ta gabatar, na yau Asabar shugabar jami’ar, Farfesa Fatima Batulu Muktar ta bayyana farin cikinta, tare da godiyar ta ga mahalarta taron inda ta bayyana irin nasarori da jami’ar ta samu musamman a bangaren ilimi da sauran bangarori na ci gaban jami’ar.

Farfesa Batulu Mukhtar ta kuma mika godiyar ta ga abokan hulda musamman gwamnatin jihar Jigawa da sauran dai-daikun al’umma da suka bada gudunmuwa wajen ci gaban jamiar.

Ku kalli hotuna daga wurin taron na yau:

Continue Reading

Labarai

Mata basu fiya karbar rashawa ba -Muhuyi Magaji Rimin Gado

Published

on

Gwamnatin jihar kano ta yi kira ga al’umma a ko wane mataki da su tashi tsaye domin yaki da cin hanci da rashawa ganin yadda matsalar ke kassara tattalin arzikin kasar nan.

Kwamishiyar mata ta jihar Kano Malama Zahra’u Umar ce ta yi wannan kiran ya yin wani taron bita da ma’aikatar kula da harkokin mata da hukumar karbar korafe korafe da yaki da cin hanci da rashawa ta jihar kano suka shirya don tattauna matsalolin dake addabar mata.

Malama Zahra’u ta kara da cewa mata suna da rawar da zasu taka wajen dakile ayyukan cin hanci da rashawa ta bangaren janyo hankalin mazajensu da su guji karbar na goro.

A nasa jawabin shugaban hukumar karbar korafe-korafe da yaki da cin hanci da rashawa ta jihar kano Muhuyi Magaji Rimin Gado ya ce mata basu faya karbar cin hanci ba.

Wakilin mu Shamsu Dau Abdullahi ya ruwaito cewa mata da dama ne suka hallarci taron na wayar da kan mata akan cin hanci da rashawa.

 

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!