Connect with us

Manyan Labarai

Hukuncin kotun koli :Shin Atiku ya hakura da shugabancin Najeriya?

Published

on

A ranar laraba talatin ga watan Oktobar da muke ciki ne kotun koli ta kori karar da dantakarar shugaban kasa a jamiyyar PDP , Alhaji Atiku Abubakar ya shigar gabanta ,yana kalubalantar nasarar da shugaban kasa Muhammadu Buhari yayi a zaben ranar 23 ga watan Fabrairu na shekarar bana.

Bayan kotun sauraran kararrakin zaben shugaban kasa a watan Satumba ta kori karar da tsohon mataimakin shugaban kasa Atiku Abubakar ya shigar, sai ya garzaya kotun koli inda itama tayi watsi da karar da ya shigar a gabanta.

Shi dai tsohon mataimakin shugaban kasa Atiku Abubakar ya dade yana neman ya shugabanci Najeriya a tarihin siyasar kasar nan ,tun lokacin da sojoji suka rika kokarin dawo wa da Najeriya turbar dumokradiyya.

A lokacin rusashshiyar jamiyyar SDP Atiku Abubakar ya nemi tsayawa takarar shugaban kasa ,wasu dalilai suka saka Atiku Abubakar bai yi takarar ba ,wanda daga bisani ya tsaya takarar gwamnan sabuwar jahar Adamawa kafin tsohon gwamnan na jahar ta Adamawa marigayi Saleh Michika na rusasshiyar jamiyyar NRC yayi nasara akan Alhaji Atiku Abubakar, inda ya zama gwamnan jahar ta Adamawa.

Da tafiya tayi tafiya wasu daga cikin jiga jigan jam’iyyar SDP sun nemi tsohon dantakarar shugaban Najeriya chief Moshood Kashimawo Olawale Abiola da ya tafi da Atiku abubakar a matsayin mataimakinsa, amma sai gwamnonin jamiyyar SDP suka kekasa kasa suka hana Chief MKO Abiola ya dau Atiku ya dafa masa a matsayin mataimakin shugaban kasa.

Chief Moshood Kashimawo Olawole Abiola ya dauki Alhaji Babagana Kingibe a matsayin abokin takarar sa ,inda ake zatan sun lashe zaben ranar 12 ga watan Yuni da gwamnatin tsohon shugaban kasa janar Ibrahim Badamasi Babangida ta soke da ya jawo rigingimun siyasa a fadin tarayyar Najeriya.

Bayan dawowa mulkin dumkradiyya tsohon mataimakin shugaban kasa Atiku Abubakar ya lashe zaben gwamnan jahar Adamawa a karkashin tutar jam’yyar PDP.

Kafin a rantsar da gwamnonin Najeriyar a ranar 29 ga watan Mayu na shekarar 1999 dantakarar shugaban kasa na jam’iyyar PDP Janar Olusegun Obasanjo ya dauki Atiku Abubakar ya rufa masa baya , jim kadan bayan ya lashe zaben shekarar 1999 da kusan kuri’u miliyan goma sha takwas.

An rantsar da Chief Olusegun Obasanjo shi da Alhaji Atiku Abubakar a filin Eagle Square dake birnin tarayya Abuja ,jim kadan bayan tsohon shugaban kasa Janar Abdulsalami Abubakar ya mikawa Chief Olusegun Obasanjo mulkin Najeriya.

Daga nan ne fitilar Atiku Abubakar ta rika haskakawa a siyasa , inda wasu suka zarge shi da cewa yayi kokarin tumbuke mai gidan sa Chief Olusegun Obasanjo a zaben fitar da gwani na shugaban kasa da ake sa ran  yi a shekarar 2003.

Wannan dalili ne yasa rahotanni suka yi nuni a wancan lokacin cewa tsohon shugaban kasa Olusegun Obasanjo sai da ya tsuguna ya roki mataimakin nasa da ya taimake shi ya sake samun karo na biyu wanda shi kuma daga bisani zai rufa masa baya a zaben shekarar 2007 .

Da zaben shekarar 2007 yake karatowa ne Atiku Abubakar ya rika shan mazga irin ta siyasa a hannun maigidan sa Olusegun Obasanjo ,wanda daga baya hakan ba ta saka Atiku Abubakar ya cimma manufar sa ta gadon maigidan sa Cif Olusegun Obasanjo akan karagar mulki ba.

Sai da ta kai Atiku Abubakar ya canja sheka zuwa jamiyyar AC, amma zargin tabka magudi da aka yi a zaben shekarar 2007  ta saka Cif Olusegun Obasanjo yayi nasarar dora marigayi Umaru Musa Yar’adua akan karagar mulkin Najeriya.

A shekarar 2011 Atiku Abubakar ya sake neman jamiyyar PDP ta tsayar da shi takarar shugaban kasa amma bai yi nasara ba, inda Dr Goodluck Ebele Jonathan ya samu tsayawa.

Amma a shekarar 2014 lokacin zaben fitar da gwani na jamiyyar APC Atiku Abubakar shi da Shugaban kasa Muhammadu Buhari da tsohon gwamnan jahar Imo Rochas Okorocha da tsohon gwamnan jahar Kano Rabiu Musa Kwankwaso sun gwada kwanji amma shugaba Muhammadu Buhari yayi nasara akan su.

Sai gashi a shekarar bana (2019)Atiku Abubakar ya sake tsayawa a jamiyyar PDP bayan ,yayi mata kome amma bai yi nasara ba inda ya garzaya kotu ,su kuma kotunan suka kori karar.

A yunkurin sa na neman shugabancin kasar nan sau hudu, shin Atiku Abubakar ya hakura duk da cewa kuma shekarunsa na karuwa ?.

 

 

Continue Reading

Labarai

Majalisar yara na yaki da safarar kananan yara

Published

on

Majalisar yara ta kasa tace majalisar tana yaki da  safarar yara  zuwa wasu garuruwan da nufin yin aikatau.

Shugabar kwamitin kare hakkin yara ta majalisar Aisha Ayuba Usman ce ta bayyana hakan ta cikin shirin barka da hantsi na nan tashar freedom rediyo da ya mayar da hankali kan irin cin zarafin kananan yara da ake yawan samu a wannan lokacin.

Aisha Ayuba Usman kuma kara da cewa kalubalen da majalisar ke samu a yanzu bai wuce yadda suke samun karancin kai koke ga majalisar ba,duk da cewa ana samun yawaitar cin zarafin kananan yara.

Majalisa ta yanke hukuci ga masu laifi a shafukan sada zumunta

Majalisa ta bukaci hukuncin shekara 5 a gidan yari ga duk malamin da aka kama da cin zarafi

Kai tsaye: An Kammala tantance sunayen kwamishinoni -Majalisar Kano

A nasa bangaren shugaban majalisar yara ta jihar Kano Ameer Mahmud yace iyaye su dinga lura da irin abokanan da yaransu suke mu’amullad dasu.

Da take nata tsokacin mataimakiyar shugaban majalisar yara ta jihar Kano salma umar garo ta ce babbar matsalar da ake samu a yanzu shine yadda iyaye basa jan yaran su a jiki.

Bakin sun karkare da kira ga iyaye dasu dage wajan bawa yaran su ilimi mai inganci domin samun nagartacciyar al umma a nan g

Continue Reading

Labarai

Ko kun san abinda yasa hukumomin kashe gobara ke fuskantar matsala?

Published

on

Wani bincike da a baya-bayan nan aka gudanar ya bayyana cewa hukumar kashe gobara a jahohin kasar nan na fama da rashin wadatattun kayayyakin aikin da zasu kai agaji a yayin da wani ibtila’i ya afko.

Haka kuma binciken ya gano yadda Gwamnatocin jahohin basa mayar da hankali wajen ganin sun samarwa da hukumar wadatattun kayayyakin aiki da zasu ci gaba da ayyukan su cikin sauki

Daga cikin jahohin da binciken ya bayyana wadanda suke da karancin kayayyakin aiki a hukumar kashe gobara akwai jihohin Kano da Jigawa da Gombe da Kogi da Kebbi da Calaber da Anambra da Katsina da kuma Nassarawa da dai sauran su.

Binciken ya gano cewa daga cikin kayayyakin aikin da hukumar ta rasa akwai rigunan da kan taimakawa jami’an damar shiga don kashe gobara da kuma karancin ruwa mai dauke da sinadarin kashe gobara, da rashin  na’urar da kan taimaka musu wajen shakar iska a yayin da suke aikin shawo kan wani ibtila’i har ma da karancin motocin sufuri.

Dole ne Al’umma su hada kai da hukumar Kashe gobara-Usman Alhaji

Majalisar wakilai na binciken kudaden da aka warewa hukumar kashe gobara

Gobara ta tashi a FCE dake Kano

Akan hakan ne wakiliyar mu Madina Shehu Hausawa ta zanta da wasu mutane anan Kano, inda suka bayyana irin koma bayan da rashin wadatattun kayan aiki a hukumar ke haifarwa musamman a yayin da ake bukatar agajin gaggawa, suna masu cewar a gaskiya dole gwamnati ta tallafawa wannan hukuma kasancewar tana fuskantar kalubale daban-daban.

Jami’in hulda da jama’a na hukumar kashe gobara ta jihar Kano Sa’id Muhammad Ibrahim ya bayyana cewa hukumar su bata da wata matsala ta kayayyakin aiki kamar yadda waccan rahoto ya bayyana inda yace a yanzu haka ma sun fi hukumar kashe gobara ta gwamnatin tarayya wadatattun kayan aiki.

Wakiliyar mu Madina Shehu Hausawa ta sake zantawa da wani mai fashin baki kuma shugaban kungiyar kare hakkin dan Adam ta Network for justice da ke nan jihar Kano, Dr Bala Abdullahi Gabuwama ya bayyana cewa koma baya ne ga jahohin kasar nan wajen kin samar musu da kayayyaki aiki musamman ma a hukumar kashe gobara.

Ya kara da cewa kasar nan ta ci gaba wajen gine-ginen benaye masu tsayi wanda kuma rashin kayayyaki da zai taimaka wajen dakile ibtila’i  babban koma baya ne ga sha’anin mulkin kasa.

Dr Bala Abdullahi Gabuwama yace a bayyane yake bambancin ma’aikatan gwamnatin tarayya da na jahohi ko da kuwa a bangaren kasafin kudi, sai dai yace idan har jahohin suka jajirce to kuwa za su samar da fiye da abin tarayyar zata samar.

 

 

 

 

Continue Reading

Labarai

‘Yan Najeriya na fuskantar karancin abinci – kungiyar FAO

Published

on

A baya bayan nan ne wata kungiyar majalissar dinkin duniya dake lura da abinci da hakar noma da ake kira da “The food and agriculture organization” ta gudanar da bincike dake bayyana cewa sama da ‘yan Najeriya miliyan hudu da dubu dari biyu ne ke fuskantar matsanancin karancin abinci dake gina jiki a kasar nan.

Binciken wanda aka yi a jihohi goma sha bakwai dake Arewacin kasar nan, ya nuna cewar, za’a fuskanci matsanancin karancin abincin dake gina jiki daga watan Yuni zuwa watan Disambar shekara ta 2020 matukar ba a dauki matakin kare afkuwar hakan ba.

Wakilin mu Aminu Abdullahi Ibrahim daya bibiyi binciken rahoton  ya rawaito mana cewar,an dai fara gudanar da binciken ne a shekara ta dubu biyu da 2016 da jihohi takwas a Arewacin kasar nan inda daga bisani aka karasu zuwa goma sha shida da nufin gano jihohin da suke fuskantar matsalar ta karancin abincin dake gina jiki don janyo hankalin masu ruwa da tsaki domin magance matsalar.

Ministan kwadago ya sha alwashin fara aiwatar da tsarin mafi karancin albashi

Ranar Abinci ta duniya: Mai masana suka ce kan wannan?

Abincin Naira 30 ya jawo cecekuce.

Rahotan ya kara cewa jihar Yobe ita ce akan gaba yayin da Borno ta kasance ta biyu sai Adamawa wacce ita ce jiha ta uku da suka fi fama da matsalar ta karancin abincin.

Sai dai rahoton ya alakanta samun rikicin kabilanci da matsalar tsaro da Ambaliyar ruwa da kuma barkewar cututtuka amatsayin ababen dake haddasa matsalar ta karancin abinci a Najeriya.

A nata bangaren gwamnatin tarayya ta bakin minista noma da raya karkara tayi godiya da sakamakon binciken, inda tace zai taimakawa gwamnati wajen ganin ta yi amfani da hanyoyin da suka dace don yaki da yunwa da kuma karancin abinci a kasar nan.

Kan wannan batu ne freedom radio ta jiyo mabanbanta ra’ayoyin wasu mutane a nan Kano.

Wani tsohon soja a nan Kano warrant officer II, Nasiru Muhammad, ya bayyana cewa rashin tsaro da aka alakan tashi da matsalar karancin abinci da ake fama dashi a kasar nan, ya samo asali ne tun a baya, inda yace gwamnati tayi sakaci wajen barin matasa babu aikinyi da rashin kyautatawa ma’aikata wanda hakan ke kara ta azzara matsalar tsaro.

A nasa bangaren wani masani a fanin aikin gona farfesa Musa Tukur Yakasai, yayi tsokaci a kan lamarin inda yace talauci na takarawar gani wajen ta’azara matsalar karancin abincin dake gina jiki.

Malamin ya kara da cewa kamata yayi gwamanati ta bunkasa hanyoyi daban-daban da zasu samar da abincin dake gina jiki bawai maida hankali kan noman shinkafa da sauran kayayyakin hatsi ba.

AMasana da dama a bangaren ayyukan noma da masu ruwa da tsaki na fatan sakamakon wannan bincike zai taimaka don magance matsalar karancin abinci da wasu daga cikin al’ummar kasar ke fuskanta.

Continue Reading

Now Streaming

Trending

Copyright © 2019. Freedom Radio Group. All Rights Reserved.