Connect with us

Labaran Kano

Iyaye sun bukaci gwamna Ganduje da a dawo musu da ‘yayansu da aka sace

Published

on

Yaran da aka sace a Kano

Iyaye da dama ne suka halarci hukumar da ke binciken dangane da matsalar yawan sace-sacen yara da ake yi fama da shi a jihar kano, ake kuma sayar da su jihar Anambra.

Rahotannin na nuni da cewar hukumar karkashin jagorancin alkali Wada rano na zaman sa ne a babban kotun da ke haramar titin Miller da ke kwaryar Kano.

Iyeyn dai sun bukaci gwamnatin jihar Kano da ta yi hubbasa wajen ceto sauran yaran da har kawo yanzu ba’a kai ga gano inda suke ba.

Sun bayyana wa zaman hukumar cewar mafi yawan wadannan yara da suka bata ya faru ne tsakanin shekara ta 2015 zuwa 2017.

Wata mahaifiya ‘yar  shekara 39 , kuma mahaifiya ga ‘yaya biyar Zainab Ibrahim cewar ta yi ‘danta  Ja’afar dan shekara 4 dai ya bata ne a unguwar Brigade tun shekara ta 2017 har kawo yanzu ba’a san inda yake ba.

Sai kuma kuma wasu iyayen da suka ce ‘dan sa Kamaludeen Lawan mai shekaru 3 da haihuwa shima ya bata ne a shekara ta 2017.

Jaridar Kano focus ta rawaito wani uba Zahradeen Lawan shima dan shekara 33, ya bayyana cewa ‘dan sa ya bata ne a yayin taron wani bikin aure yayin da ya tafi da mahaifiyarsa.

Sai wata batar na wani malamin makaranta Sunday Omole da yayi tun watan Mayun shekara ta 2018 mai shekaru 31, malami kuma a matakaranta gwamnati ta FGC Kano.

Firincifal fin makaranta Mrs Dangana dai ta ce an kawo mata labarin batan Omole ne inda ta ke ciki da bacin rai.

Al’amarin bai tsaya ga ‘yan asalin jihar Kano kadai ba, Sunday Omole dan jihar Benue da ke koyar da ilimin komputa wanda aiki ne ya kawo shi nan jihar Kano

Idan dai za’a iya tunawa dai gwamnan Kano Abdullahi Umar Ganduje dai ya kaddamar da hukumar ne domin binciken yawaita sace-sacen mutane da ake yi a jihar musammam ma satar yara.

Hukuncin da gwamna Ganduje dai ya yanke ga wadanda suka sace yara goma da aka ceto su a jihar ta Anambra aka kuma canza musu adini zuwa na Krista tare da sauya musu sunaye iri na kabilar Igbo.

 

 

Labaran Kano

An bukaci a daga darajar kwalejin ilimi ta Nasiru Kabara zuwa jami’a

Published

on

Dan majalisar dattijai mai wakiltar yankin Kano ta Kudu Sanata Barau Jibrin ya bukaci shugaban darikar kadiriyya ta Afrika Sheikh Kariballah Sheikh Nasir Kabara da ya daga darajar kwalejin ilimi ta addinin musulunci da ya fara ginawa zuwa jami’a.

Dan majalisa Barau Jibrin ya bayyana hakan ne a wajen bikin Maukibi da mabiya darikar Kadiryya suke gudanarwa duk shekara da aka gudanar a yau.

Sanata Barau Jibrin ya ce abin alfahari ne yadda aka fara samun mutane irin su Sheikh Kariballah da suke da kishin ilimin addinin musulunci suna irin wannan yunkuri na bunkasa addinin musulunci, a don haka ne shima yayi alkawarin rubanya aikin ginin har sau uku matukar aka daga darajar kwalejin zuwa jami’a.

Barau Jibrin ya kuma ce matasa na matukar bukatar irin wadannan jami’o’I na addinin musulunci don kaifafa kwakwalwar su, kan ilimin addinin musulunci da kuma harkokin kimiyya da fasaha

Sanata mai wakiltar kudancin Kano ya kuma nuna takaicin sa kan yadda ake da jami’o’in addinin musulunci biyar kachal a Najeriya a lokaci guda kuma ake da na addinin kirista guda 34, yana mai cewa akwai bukatar al’ummar musulmi su dage wajen gina jami’o’in addinin musulunci.

Continue Reading

Labaran Kano

Sulhu tsakanin al’umma zai rage cunkoso a kotuna

Published

on

Wata kungiya mai rajin ganin an tabbatar da gaskiya da adalci dake garin Kumbotso, ta ce samar da kungiyoyin al’umma da zasu dinga aikin sulhunta jama’a zai taimaka wajen rage yawan yadda ake shigar da kararraki gaban jami’an tsaro da ma masu unguwanni a jihar Kano.

Shugaban kungiyar Isyaku Ahmad ne ya bayyana hakan ta bakin sakataran kungiyar dake kula da tsare-tsare Iliyasu Nuhu, yayin taron jin ra’ayin jama’ar garin na Kumbotso kan ayyukan da kungiyar ta sanya a gaba.

Ilyasu Nuhu ya ce a yanzu ana yawan samun shigar da kararraki gaban jamian tsaro kan dan abinda za’a a iya magance shi ta hanyar sulhu, amma sai batun ya yi zafin da har sai anje gaban kotu, yana mai cewa hakan na taka rawa wajen samar da cunkoso a gaban kotuna.

Wasu daga cikin mahalartar taron sun bayyana cewa wannan sabon tsarin zai taka rawa wajen tabbatar da zaman lafiya da kuma fahimtar juna tsakanin al’ummar yankin.

Wakilin mu Abubakar Tijjani Rabi’u ya ruwaito cewa taron ya samu halartar shugabannin addinai daban-daban da kungyoyin kare hakkin dan adam dana yaki da cin hanci da rashawa da sauran al’umma.

Continue Reading

Labaran Kano

Ku kasance masu yin kasuwanci kamar yadda addinin musulunci ya koyar

Published

on

An shawarci ‘yan kasuwa da sauran ma’aikata da su kasance masu gudanar da harkokin kasuwancinsu irin yadda  addinin musulunci ya koyar domin kaucewa fadawa cikin fushin ubangiji a ranar gobe kiyama.

Shugaban cibiyar koyar da zaman Aure da kasuwanci a addinin Musulunci Dakta Yahya Tanko ne ya bayyana hakan yau lokacin taron bita tare da wayar da kan ‘yan kasuwa da ma’aikata kan tarbiyyar addinin musulunci a cikin harkokin kasuwanci.

Ya kara da cewa abin takaici ne yadda ‘yan kasuwa a yanzu suke gudanar da harkokin kasuwancin su, wanda hakan ya sauka daga layin koyarwa irin ta addinin musulunci.

A cewar Dakta Yahya Tanko kamata ya yi duk wani musulmi a ko ina yake ya zama tamkar mudubi da kowacce al’umma zata rika koyi da shi ta fuskar kasuwanci.

Wakilin mu Abdulkarim Muhammad Abdulkarim Tukuntawa ya ruwaito cewa malamai da ‘yan kasuwa da ma’aikata da dama ne suke halarci taron.

Continue Reading

Now Streaming

Trending

Copyright © 2019. Freedom Radio Group. All Rights Reserved.