Connect with us

Rahotonni

Ko kun san yadda mata ke gudanar da hutun karshen mako?

Published

on

Akasarin mata masu aiki da zarar aka ce karshen mako yazo to babu shakka kowace mace ta shiga wani farin ciki na daban saboda zata kasance cikin iyalan ta.

Daga cikin abubuwan da mutan ke yin tanadi akwai girke-girke da gyaran gida da kuma shirya fita da yara ko da mai gida.

Sai dai wasu matan kan yi korafin cewar mazajen su ba sa zama a gidaje ko da sun yi musu girke-girke don gudanar da hutun karshen mako.

Ga wasu matan abun ba haka yake ba don kuwa wasu mazacen kan zauna ne tare da matan don yin hutun karshen makon.

A dai karshen makon matan aure kanyi amafani dashi domin yin kitso, gyaran jiki na musamman da kuma ziyarce-ziyarce.

Sannan lokacin kan bada dama ga iyaye mata damar samun kulawa ta musamman game da ‘ya’yan su.

Hari la yau matan kanyi amfani da hutun wajen zuwa makarantun addini da kuma karin wasu makarantun na karatun zamani.

Binciken da Freedom Radio tayi ya gano cewa babban abinda mata musamman a jihar Kano suka fi maida hankali akai a karshen makon, shi ne bukukuwa, domin kuwa a wannan lokaci ne matan ke halartar bukukuwan aure tsakanin ‘yan uwa da kuma abokanan arziki.

Labarai masu alaka:

Wata matashiya ta yi yunkurin kashe kanta sakamokon auren dan shekaru 70

Tilas a magance cin zarafin mata- Mai dakin Sarkin Kano.

Tasirin talla ga ‘ya’ya Mata

Continue Reading

Rahotonni

An shekara 20 da fara shari’ar musulunci a Najeriya

Published

on

Malamai da mabiya addinin musulunci a jihohin Arewacin kasar nan sun dauki tsawon lokaci suna fafutukar ganin an kafa shari’ar musulunci a sassa daban-daban na kasar.

Biyo bayan kiraye-kiraye na mabiya addinin musulunci ya sanya gwamnan jihar Zamfara a wancan lokacin Ahmad Sani Yariman Bakura ya sanar da cewa jihar Zamfara zata fara aiki da tsari irin na shari’ar addinin musulunci a ranar 27 ga watan Octoba na shekarar 1999.

Jihar Zamfara itace jiha ta farko da ta fara kaddamar da shari’ar musuluncin a ranar 27 ga watan Janairu na shekara ta 2000, sai jihar Kano dake biye mata baya inda gwamnan jihar na wancan lokaci Engr. Dakta Rabi’u Musa Kwankwaso ya kaddamar da shari’ar a watan 6 na shekara ta 2000.

Jihar Sokoto da kuma jihar Katsina sun biyewa jihar Kano baya inda suma suka kaddamar da tsarin shari’ar musulunci a karshen shekarar ta 2000.

Jihohin Bauchi, Borno, Jigawa, Kebbi da kuma jihar Yobe suma sun bi sahun sauran jihohin da suka kaddamar da shari’ar tun da farko a shekarar 2001.

Su kuwa jihohin Kaduna, Niger da kuma jihar Gombe sun kaddamar da shari’ar musulunci ne a wasu sassa na jihohinsu da musulmai ke da rinjaye, kasancewar suna da al’umma da dama masu mabam-bamta addini a jihar.

Al’ummar musulmi dai sunyi farin ciki matuka da kaddamar da shari’ar a wancan lokaci.

Continue Reading

Rahotonni

Abubuwan da ya kamata ku sani game da ranar masana harhada magunguna ta duniya

Published

on

Kungiyar masana kimiyyar harhada magunguna ta kasa ta sha alwashin tallafawa gidajen marayu da masu fama da lalurar kwakwalwa da magunguna don inganta lafiyarsu.

Sakataren kunggiyar Kwamared Rabi’u Abu Tandama ne ya shaida hakan a yau, jim bayan kammala shirin Barka da Hantsi na nan Freedom Radio, wanda ya mayar da hankali kan ranar ilimin kimiyyar hada magunguna ta duniya ake gudanarwa yau, wanda Majalisar dinki duniya ta ware.

Ya kuma da cewa akwai shirye- shirye da dama da suka tsara gudanarwa a wannan rana don tunawa da bikin a nan Kano.

A na ta bangare Shugabar mata ta kungiyar reshen Kano Ayat Uba Adamu, kira ta yi ga iyaye da su rinka barin ‘ya’yansu mata suna shiga harkokin karatun da suka shafi kimiyya, musamman ma na aikin hada magunguna.

Taken bikin na bana dai shi ne dacewar mai ilimin kimiyyar hada magunguna a duniyar magani.

Continue Reading

Manyan Labarai

Kun san abinda ya biyo bayan komawar Aisha Buhari Villa?

Published

on

A dai kwanakin baya ne fadar shugaban kasa ta maida martanai kan jita-jitar da ake yadawa kan Uwargidan shugaban kasa Aisha Buhari ta yi Yaji, sai gashi kwatsaham jiya daddare ta Iso kasar nan.

Bayan ta sauka a filin jirgin saman Nnamadi Azikiwe, Hajiya Aisha Buhari ta samu tarba daga Uwargidan gwamnan jihar Kogi Rashida Bello da mai baiwa shugaban kasa shawara kan sha’anin mulki ta mussaman Hajjo Sani da Uwargidan tsohon gwamnan jihar Nasarawa Mairo Al-Makura da dai sauran su.

Sai dai rahotanni sun bayyana cewar da Isowar ta ta, da manema labarai suka tambaye ta menene dalilin da ya sanya ta bar kasar nan har na tsawon watanni 3, nan take ta kada baki tana cewa daman ta saba yin irin wannan hutun a duk shekara musamman ma a watan Yuni zuwa Yuli yayin da take zuwa take zama da ‘ya’yan ta.

Amma kuma a wannan lokacin Aisha Buhari ta jefi tsuntsu biyu da dutse daya, bayan samun damar zama da ‘ya’yan ta, ta kuma ga likita  a can Burtaniya, da ga nan kuma taje kasa mai tsarki don yin aikin Hajjin bana a cewar Aisha Buhari’’

A yayin jawabin da ta yi wa manema labarai jim kadan bayan da ta sauka, tayi gugar zana ga wacce ake zargin cewar shugaban kasa Muhammadu Buhari zai Aura a ranar Juma’ar da ta gabata bayan da aka yi ta yadawa a shafukan sada zumunta.

Rahotannin sun bayyana cewar tun bayan kammala aikin Hajjin Bana ba’a sake ganin fuskar Uwar gidan shugaban kasa ba Hajiya Aisha Buhari ba.

Jaridar Daily Trust ta rawaito cewa tun bayan kammala aikin Hajji Uwar gidan shugaban kasar ta ziyarci birnin Landan ana hasashen cewa kamar ta yi yaji ne, kasancewar ta jima tana sukan irin salon mulkin shugaba Buhari.

Na baya-bayan nan dai shine furucin da tayi a lokacin da ta ziyarci jihar shugaban kasar wato jihar Katsina, inda ta bayyana takaicinta kan yadda tace ‘yan arewa na baiwa gwamnatin kuri’a amma wasu al’umma daban ne ke cin gajiyar gwamnatin.

Rubutu masu alaka:

Shin Aisha Buhari tayi yaji?

Ina Aisha Buhari take?, fadar shugaban kasa ta yi martani

Aisha Bahari ta soki shirrin Gwamnatin tarayya na rage fatara

Har ila yau wasu na ganin cewar ba’a ganin fuskar ta a muhimman wurare tare da shugaban kasar ba, kamar taron majalisar dinkin duniya da aka kammala kwanannan da dai sauran su.

Sai dai wasu na zargin cewar uwar gidan shugaban kasa Hajiya Aisha Buhari bata jituwa da wasu daga cikin manyan kusoshin gwamantin, wanda hakan ya sanya dagantaka tayi tsami a tsakanin su har ta kai ga tayi yaji.

Amma kuma Fadar shugaban kasa ta maida martani kan zargin da wasu ke yi cewa Uwargidan shugaban kasa Aisha Buhari ta yi yaji.

A cewar fadar shugaban kasar Aisha Buhari na da ‘yancin tafiya duk in da take son zuwa, kuma bata yi rikici da kowa ba a fadar shugaban kasar dake Abuja.

Bayanin haka ya fito ne ta bakin mai Magana da yawun ta Suleman Haruna ‘’cewa watannin 2 da ba’a ganin fuskar uwargidan shugaban kasar, ba yana nufin cewar babu fahimtar juna a tsakanin ta da maigidan ta ba ko kuma wasu jiga-jigan gwamnati mai ci’’, a’a illa kawai wasu ne ke kitsa labarun karya don tada fitina’’

Continue Reading

Now Streaming

Trending

Copyright © 2019. Freedom Radio Group. All Rights Reserved.