Connect with us

Labarai

Ana zargin makarantu masu zaman kan su da neman kudi

Published

on

Duba da muhimmancin ilimi a fadin kasar nan aka samar da makarantu  masu zaman kansu don cike gurbin gazzawar da makarantun gwamnati suka yi.

Sai dai abun ba haka yake ba a wannan lokaci kasancewar ana bude makarantun masu zaman kansu don neman kudi ga kuma rashin wadattun ajujuwa uwa uba kuma ga rashin bin ka’ida ba.

Tuni dai ake ta zargin cewa ana bude makarantun masu zaman kansu ne domin neman kudi.

Yawan bude makarantu marasa ajujuwa da yawa na nema zama ruwan dare a jihar nan, inda za a ga dakuna biyu ko daya ana mayar sa makarantun Nursery da firimare.

Al’ummar garin Kiru sun koka kan matsalar rashin asibitoci da makarantu

Za mu magance cunkoso a makarantu-KSSSMB

Gwamnatin Kano ta soke Makarantun ‘Yan Mari

Amma dai masu bude irin wannan makarantun basa la’akari da fili ko gurin da yara zasu yi wasa.

Akwai unguwani da suke da irin wannan makarantu a kano wanda suka hada da Rijiyar Zaki da Kurna da dai sauran su.

Akan hakan ne wakiliyar mu  Hafsat Abdullahi Danladi ta zanta da wasu iyaye kan ko suna la’akari da  girman muhallin makarantun da Suke sa ‘ya’yan su, yayin da wasu ke cewa akasari sun duba saukin kudin makaranta.

Haka kuma wasu ke ganin cewar ba girman muhalli ba ne karatu illa dai ‘ya’yan su za su sami ilimin zamani

A nasa shugaban hukumar masu kula da makarantu masu zaman kansu ta Jihar  Abba Dan kawu  ya bayyana irin ka’idojin da ya kamata a bi wajen bude makarantu masu zaman kansu.

Ya ce an fi so a sami filin wasa mai girma da kuma wadatattun azuzuwa da dalibai za su dauki darusa a ciki.

Maitamakiyar shugaban kungiyar masu zaman kansu ta kasa Hajiya Maryam Magaji ta ce, kamata gwamnati ta rufe duk irin wannan makarantu da aka ma ta bude basi ka’ida ba musman masu budewa a daki guda koh biyu.

Masana a harkokin ilimi sun yi kira ga masu iri wanann dabi’ar da su gujii bude irin wadanan  makarantun da ba bisa ka’ida ba.

Continue Reading

Labarai

Abinda ya sanya ‘yan adai-daita sahu janye shiga yajin aiki

Published

on

A yau jumu’a ne direbobin baburan adai-daita sahu na jihar Kano suka kudiri aniyar tafiya yajin aiki da kuma zanga-zanga, sakamakon harajin kudi har naira dubu ashirin da shida da hukumar KAROTA ta sanya musu.

Sai dai biyo bayan wani zaman sulhu da shugabannin kungiyoyin ‘yan adai-daitar sukayi da shugaban hukumar KAROTA an cimma matsaya, inda akayi yarjejeniyar cewa direbobin zasu biya naira dubu takwas-takwas kafin karshen watan disambar da muke ciki.

Tunda farko dai hukumar KAROTA ta kudiri aniyar rage yawan direbobin adai-daita sahun ne, ka sancewar sunyi yawa a gari fiye da kima, domin kuwa duk inda ka zaga, zaka hangi kalar ruwan dorawa irin ta baburan wadda kuma tayi kama da kayan sarki irin na jami’an Hukumar ta KAROTA.

Baya ga hakama dai hukumar KAROTA na zargin wasu daga direbobin na KAROTA na aikata wasu munanan laifuka.

Sai dai a karshe shuwagabannin ‘yan adai-daita sahun sun amince da janye yajin aikin da kuma zanga-zangar da suka shirya farawa a yau jumu’a, sai dai an jiyo wani tsagin kungiyoyin ‘yan adai-daita sahun na Kano na cewa suna nan akan bakansu, don haka basu gamsu da waccan maslaha ba kuma zasu tsunduma yajin aikin a yau.

Allah ya kyauta.

Labarai masu alaka:

Gwamanatin Kano za ta rage yawan baburan adaidaita sahu

Hukumar KAROTA ta nemi a kebe mata Naira biliyan guda

Continue Reading

Labarai

‘Yan sanda a Kano sun gargadi jama’a kan aikata laifi ranar bikin Maukibi

Published

on

Rundunar ‘yan sanda ta jihar Kano gargadi al’umma, musamman bata gari da suke fakewa da lokacin taron jama’a domin aikata laifukan sara suka, da sauransu.

Cikin wata sanarwa da kakakin rundunar ‘yan sanda ta jihar Kano DSP. Abdullahi Haruna Kiyawa ya rabawa manema labarai a daren yau, ya bayyana cewa rundunar ‘yan sanda ta shirya tsaf domin kula da shige da fice aranar Asabar mai zuwa da za’a gudanar da bikin maukibin waliyai da mabiya darikar Qadiriyya gabatarwa duk shekara a Kano.

DSP. Kiyawa ya bayyana cewa sunyi shiri na musamman domin zakulo wadanda suke fakewa da irin wadannan taruka su tayar da hankalin jama’a, a don haka suna gargadin al’umma dasu guji yin shigar banza, ko sanya kayan mata ko kuma yin wata shiga wadda ta saba da al’ada ko kuma addinin al’ummar jihar Kano.

Labarai masu alaka:

Rundunar ‘yan sandar jihar Kano ta sake ceto wani yaro a Anambra

Rundunar ‘yan sanda ta Kano ta yi holin masu yin garkuwa da mutane

Kazalika rundunar ‘yan sandan jihar Kano tayi shiri na musamman domin dakile masu ta’ammali da miyagun kwayoyi, da sara suka ko kwacen wayoyi da sauran laifuka a yayin gudanar da taron maukibi na bana.

Haka kuma rundunar ‘yan sandan jihar Kano na sanar da jama’a cewa har yanzu dokar nan tana nan ta haramta yin wani gangami ko zanga-zanga ko wani taron jama’a ba bisa ka’ida ba, kuma duk wanda ya karya wannan doka to babu shakka hukuma zatayi aiki akansa a cewar, kuma anyi hakan ne domin tabbatar da zaman lafiya a jihar Kano a cewar DSP. Kiyawa.

A karshe rundunar ‘yan sandan ta taya al’ummar musulmi murnar zagayowar wannan wata da fatan za’a kammala bukukuwa lafiya.

Labarai masu alaka:

‘Yan film sun karrama kwamishinan ‘yan sanda na jihar Kano

Jihar Kano ta sami sabon kwamishinan ‘yan sanda

Continue Reading

Labarai

Ma’aikatan lantarki sun koma bakin aiki

Published

on

Kungiyar ma’aikatan wutar lantarki ta kasa NUEE, ta janye yajin aikin sai baba ta gani da ta fara a jiya Laraba da nufin janyo hankalin gwamnatin tarayyar Najeriya kan hakkokin mambobinta.

Kungiyar dai ta sanar da janye yajin aikin ne da safiyar yau alhamis sakamakon wani zaman gaggawa da ta yi da jami’an gwamnatin tarayya.

Shugaban kungiyar ta NUEE na kasa kwamared Joe Ajaero ne ya tabbatar da janye yajin aikin ga manema labarai, yana mai cewa, sun tattauna matsalolin ma’aikatan sosai kuma gwamnatin tarayya ta yi alkawarin shawo kan matsalar.

Jaridar Solacebase ta ruwaito cewa, shiga yajin aikin kungiyar ya biyo bayan karewar wa’adin kwanaki 21 da ku kungiyar ta baiwa ministan lantarki Saleh Mamman, domin duba bukatun mambobinta, inda kuma rashin sauraron su da ya yi ne ya sanya su fara yajin aikin.

Continue Reading

Now Streaming

Trending

Copyright © 2019. Freedom Radio Group. All Rights Reserved.