Connect with us

Manyan Labarai

Jihar Jigawa ta yi wa Kano fintinkau a taimakawa marasa karfi

Published

on

 

Gwamnatin Jahar Jigawa tayi wa Kano nisa wajen inganta rayuwar marasa karfi a jihar.

Wannan na tattare ne cikin wasu bayanai bayan kammala shirin tattaunawa da ‘’yan majalisun jihar Kano da na Jigawa akan tsarin samar da dokar nan ta taimakawa marasa karfi da ya gudana a birnin tarayya da ke Abuja.

Shi dai tsarin na social protection wanda kungiyar Action against hunger da hadin kan kungiyar save the children ta fito da shi ,ya bayar da damar kariya ga yara wadanda suke cikin rashin koshin lafiya.

Mahalatta taron kungiyar Action against hunger daga jihohin Kano da Jigawa

Daya daga cikin mahalatta taroin kuma dan majalisar dattijai daga jihar Jigawa Sanata Ibrahim Hassan Hadejia yace kasashe da dama a Duniya da ake ganin sun cigaba ,sun samu hakan ne ta hanyar bawa marasa karfi wasu damammaki da ya hada da bayar da jari.

Ibrahim Hassan Hadejia yace da ace kasashe irin su Birtaniya da Amurka da sauran kasashen Duniya  za su daina bayar da taimako ta hanyar social protection da tuni wadannan kasashen talauci yayi mu su katutu.

Daga nan an bukaci ‘’yan majalisun jihohin na Kano da Jigawa da su fito da dokoki na taimakawa mara sa karfi.

Ita dai jahar Jigawa a yanzu tana ware kimanin fiye da Naira biliyan daya duk shekara a matsayin kudade na taimakawa marasa karfi da kuma tsarin kosar da yara.

Continue Reading

Manyan Labarai

Masu Adaidaita sahu sun roki gwamnatin Kano kar ta sanya musu haraji

Published

on

Gamayyar kungiyoyin masu baburan Adaidaita sahu na jihar Kano, sun yi Kira ga gwamnatin jihar Kano, da ta sassuta musu, ko ta rage kudin harajin da ta ke kokarin sanya musu.

Mataimakin sakataren gamayyar kungiyoyin, Malam Suleiman Mu’azu ne yayi wannan kiran, yayin wata ziyara da suka kawo tashar freedom rediyo da safiyar yau.

Ya ce, ya kamata gwamnati ta yi la’akari da halin matsin tattalin arzki  da ake ciki, kafin daukar wannan mataki.

Daya daga cikin mambar kungiyar mai suna Nazifi Shu’aibu, cewa ya yi, ya kamata gwamnati ta dawo da kudin zuwa dubu goma ko biyar ko takwas ko kuma kasa da haka.

Kungiyoyin dai sun ce matukar gwannati ta ki yin la’akari da halin da suke ciki wajen rage kudin, ba kuwa ko shakka da dama daga mambobinsu za su tagayyara.

Continue Reading

Manyan Labarai

Ganduje ya sanyawa sabuwar gada sunan Sheik Kariballah

Published

on

Gwamnan jihar Kano Dr. Abdullahi Umar Ganduje ya sanyawa sabuwar gadar da ake aikin gininta a kan titin kasuwar Rimi sunan shugaban Darikar Kadiriyya na Afrika Sheikh Kariballah Sheikh Nasiru Kabara.

Gwamna Ganduje ya ayyana radin sunan sabuwar gadar ne a yau, a yayin da ya ke jawabi wajen taron Maukibi da mabiya darikar Kadiriyya ke shiryawa a duk shekara.

Gwamna Ganduje ya ce gwamnati ta yi la’akari da irin gudunmawar da Sheikh Kariballah ke bayarwa wajen daukaka addinin musulunci da kuma hadin kan jama’a, shine ma dalilin da ya sanyawa wannan sabuwar gadar sunanasa.

Gwamna Ganduje ya kuma bukaci Sheikh Kariballah da ya ziyarci gurin da ake aikin ginin gadar don ganewa idanun sa yadda aikin yake wakana tare da sanyawa aikin albarka.

Tarihi dai ya nuna cewa wannan shine karo na 69 da mabiya darikar Kadiriyya ke gudanar da wannan taro.

Continue Reading

Labarai

‘Yan sanda a Kano sun gargadi jama’a kan aikata laifi ranar bikin Maukibi

Published

on

Rundunar ‘yan sanda ta jihar Kano gargadi al’umma, musamman bata gari da suke fakewa da lokacin taron jama’a domin aikata laifukan sara suka, da sauransu.

Cikin wata sanarwa da kakakin rundunar ‘yan sanda ta jihar Kano DSP. Abdullahi Haruna Kiyawa ya rabawa manema labarai a daren yau, ya bayyana cewa rundunar ‘yan sanda ta shirya tsaf domin kula da shige da fice aranar Asabar mai zuwa da za’a gudanar da bikin maukibin waliyai da mabiya darikar Qadiriyya gabatarwa duk shekara a Kano.

DSP. Kiyawa ya bayyana cewa sunyi shiri na musamman domin zakulo wadanda suke fakewa da irin wadannan taruka su tayar da hankalin jama’a, a don haka suna gargadin al’umma dasu guji yin shigar banza, ko sanya kayan mata ko kuma yin wata shiga wadda ta saba da al’ada ko kuma addinin al’ummar jihar Kano.

Labarai masu alaka:

Rundunar ‘yan sandar jihar Kano ta sake ceto wani yaro a Anambra

Rundunar ‘yan sanda ta Kano ta yi holin masu yin garkuwa da mutane

Kazalika rundunar ‘yan sandan jihar Kano tayi shiri na musamman domin dakile masu ta’ammali da miyagun kwayoyi, da sara suka ko kwacen wayoyi da sauran laifuka a yayin gudanar da taron maukibi na bana.

Haka kuma rundunar ‘yan sandan jihar Kano na sanar da jama’a cewa har yanzu dokar nan tana nan ta haramta yin wani gangami ko zanga-zanga ko wani taron jama’a ba bisa ka’ida ba, kuma duk wanda ya karya wannan doka to babu shakka hukuma zatayi aiki akansa a cewar, kuma anyi hakan ne domin tabbatar da zaman lafiya a jihar Kano a cewar DSP. Kiyawa.

A karshe rundunar ‘yan sandan ta taya al’ummar musulmi murnar zagayowar wannan wata da fatan za’a kammala bukukuwa lafiya.

Labarai masu alaka:

‘Yan film sun karrama kwamishinan ‘yan sanda na jihar Kano

Jihar Kano ta sami sabon kwamishinan ‘yan sanda

Continue Reading

Now Streaming

Trending

Copyright © 2019. Freedom Radio Group. All Rights Reserved.