Connect with us

Labaran Kano

An gano yara 273 dake zaman kansu a Kano

Published

on

Kungiyar tabbatar da tsaro da zaman lafiya da ake kira da Nigerian Peace Unity Progress reshen jihar Kano ta bayyana cewa ta samu nasarar ceto kananan yara guda 273 dake rayuwa a kasuwannin jihar Kano.

Babban kwamandan kungiyar ta jihar Kano Ibrahim Adam Isah ya bayyana hakan a yayin taron daga likkafar wasu jami’an rundunar da ya gudana yau lahadi a nan Kano.

Ibrahim Adam ya bayyana cewa bisa binciken da suka gudanar sun gano yadda yaran ke rayuwa ta zaman kansu a kasuwannin Kantin wari, Kasuwar Kofar Wambai da kuma Kasuwar Sabon Gari da kuma wasu sassa na jihar Kano, ba tare da sahalewar iyayen su ba.

Kazalika Ibrahim Adam ya kara da cewa yara 27 ne kacal daga cikin 273 ‘yan asalin jihar Kano, yayin da sauran kuma suka shigo Kano daga makwabtan jihohi, har ma da wasu kalilan daga kasashe makwabtan Najeriya.

Yayin da kwamandan kungiyar ta jihar Kano Ibrahim Adam Isah ke jawabi.

Tuni dai kungiyar tare da hadin gwiwar hukumomin tsaro suka mika kananan yaran ‘yan jihar Kano zuwa ga iyayensu, sa’annan kuma sauran yaran aka mika su zuwa ga gwamnatocin jihohinsu.

Har ila yau, taron na kungiyar ta Nigerian Peace Unity Progress dai ya samu halartar iyayen kungiyar da suka hadar da dagatai da kuma jami’an ‘yan sanda, da lauyoyi masana shari’a.

Labarai masu alaka:

Ilimin ‘ya’ya mata zai gyara rayuwar al’umma –Yariman Kano

Kano9: Ina rokon mahukunta su magance satar yara -Sheikh Kariballah Kabara

Labaran Kano

Sarki Sanusi II ya taya Ganduje murnar samun nasara a Kotu

Published

on

Mai martaba Sarkin Kano Muhammadu Sunusi na II, ya taya gwamnan jihar Kano murnar samun nasara a kotun koli na jaddada Kujerar sa a matsayin zababben gwamnan jihar Kano.

Muhammadu Sunusi na II, ya yi wannan kiran ne a yau a dakin taro na Afirka House, a lokacin da ya raka Oba na Benin Omo N’oba N’Edo UkuAkpolokpolo Ewuare na II, ziyara ta musamman wajen gwamnan jihar Kano.

Kazalika, Sakin yayi kira da a samu hadin kai tsakanin masu rike da madafun iko da masu sarautun gargajiya, don samar da jagoranci na gari tare da yiwa al’umma aiyyukan raya kasa.

Har ila yau, Muhammadu Sunusi na II, ya kara da cewa, lokaci ya yi da za’a manta da banbance da rashin jituwa tare da sa cigaban jiha a gaba.

Gwamna Ganduje ya nada Sarkin Kano Muhammad Sunusi shugaban majalisar Sarakunan Jihar Kano

Sarkin Kano ya bude masallacin juma’a na sabuwar jami’ar Bayero

Hukumomin kiwon lafiya na yin dukkanin mai yuwa kan cutar lassa- Sarkin Kano

A nasa jawabin Oba na Benin, Omo N’Oba N’Edo Uku Akpolokpolo Ewuare na II, ya ce Sarakunan gargajiya a fadin kasa na da muhimmiyar rawar da suke takawa wajen hadin kan al’ummar kasar nan mai Kabilu da al’adu daban -daban, wanda hakanne ya sanya ya taso musamman don jaddada wannan kudiri tsakanin al’ummar sa da ta jihar Kano.

Shima a nasa jawabin gwamna Dr. Abdullahi Umar Ganduje, ya ce gwamnatin sa a shirye take da hada kai tare da karbar shawarwari, daga dukkan masu rike da masarautun gargajiya a fadin kasar nan, kasancewar su wata Rumfa mai muhimmanci wajen, hadin kan al’umma, da zaman lafiya tare da bunkasa kasa gaba daya.

Wakilinmu na fadar gwamnatin jiha Aminu Halilu Tudunwada, ya ruwaito mana cewa Sarakunan guda biyu na Kano da na Benin, sun samu rakiyar tawagar wasu daga cikin hakimansu a ziyarar da suka kai fadar gwamnatin jiha.

Continue Reading

Labaran Kano

Za’a sake tona wata gawa da aka binne-Ustaz Sarki Yola

Published

on

Babbar kotun shari’ar musulunci karkashin Mai sharia Ustaz Sarki Yola a Kano tayi umarni da a tono wata gawa da aka binne ba daidai ba.

Mai shari’ar Ustza Sarki Yola ya bada umarnin ne bayan zaman kotun a yau Litinin

Ku saurari cikakken labarin cikin shirin Inda rank ana yau tare da Nasiru Salisu Zango da misalin karfe 9 da rabi

 

 

Continue Reading

Labaran Kano

Ya wajaba al’ummar mu su bunkasa tattalin arzikin Kano- Oba Ewuarin

Published

on

Sarkin masauratar al’ummar Benin Oba Ewuarin Ogidigan na biyu ya ja hankalin al’ummar masarautar Edo mazauna Kano da su himmatu wajen kawo  cigaban ta fuskar tattalin arzikin jihar Kano.

Ewuarin Ogidigan ya bayyana hakan ne yayin wani taron al’mmar jihar Edo mazauna jihar Kano a yau.

Ya ce shakka alaka tsakanin jihar Kano da Edo dadaddiya ce,  da ta haifar da alfanu a tsakanin jihohin biyu.

A yayin taron ‘Yan Dakan Kano, Alhaji Abbas Muhammad Dalhatu ne ya wakilci Sarkin Kano Muhammadu Sanusi na biyu.

Taron al’ummar jihar Edo karkashin masarautar Benin ya samu halartar al’ummar masarautar Benin mazauna jihar Kano,  da sauran ‘yan majalisar Sarkin na Benin.

Wakilin mu Shamsu Dau Abdullahi ya rawaito cewa, Masarautar Benin ta samu asali ne tun shekaru 900 da suka shude,  da yanzu take karkashin jihar Edo.

Galibi dai a wadancan shekaru masarautar tayi sarakuna da suka yi shura a bangarori daban-daban na rayuwar al’umma.

Yankin da sarakunan suke yin shugabanci a baya,  ya kasance mai dinbim tattalin arzikin karkashin kasa da albarkatun noma.

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!