Connect with us

Labarai

Bai kamata ‘yan Arewa su rika tsoron kafa ‘yan sandan jihohi ba –AIG Hadi Zarewa

Published

on

Masani a harkar tsaro AIG Hadi Zarewa mai ritaya yace bai kamata yankin Arewacin kasar nan su rika jin tsoron kafa ‘yan sandan jihohi ba, domin zai kawo karshen matsalar barazanar tsaro da wasu jihohin Najeriya ke fuskanta a yanzu.

AIG Hadi Zarewa mai ritaya ya bayyana hakan ne ta cikin shirin Muleka mu gano na musamman da ya mayar da hankali kan batun samar da jami’an sintiri na Bijilanti da wasu gwamnonin kudancin kasar nan ke shirin yi.

Hadi Zarewa mai ritaya ya kuma yi kira ga al’ummar yankin Arewacin kasar nan dasu daina tsoro ko shakku kan batun kirkiro ‘yan sandan jihohi domin hakan mafita ce ga al’umma baki daya musamman ta fuskar samar da ingataccen tsaro a jihohin Najeriya.

Alhaji Hadi Zarewa mai ritaya ya nanata cewa mutane su daina zaton Gwamnonin jihohin kasar nan zasu mayar da ‘yansan dan jihohin tamkar ‘yan amshin shata, ko su sanya su cikin Aljihu domin doka ba zata zuba ido suna amfani dasu wajen biya musu bukatunsu da suka saba doka ba.

Wakilin mu Abdulkarim Muhammad Abdulkarim Tukuntawa daya bibiyi yadda shirin ya gudana ya rawaito Hadi Zarewa mai Ritaya na cewa Najeriya na fuskantar karancin jami’an tsaro a don haka samar da ‘yan sandan jihohi shine kadai mafita wajen magance duk wata barazanar tsaro a wasu daga cikin jihohi, kamar yadda sauran kasashen da suka cigaba na duniya keyi.

Labarai masu alaka:

Bamu cafke Ali Kwara ba -‘Yan Sanda

Kai tsaye : Wasu hotunan shugaban kasa da sarakunan Kano a jami’ar horar da ‘yan sanda a Kano

Labarai

Karancin fitowar masu zabe abun tsoro ne- Abdulrazak Alkali

Published

on

Kungiyar karfafawa mutane gwiwa don shiga harkokin dimokradiyya ta jihar Kano tace dimokuradiyya diyya a Najeriya na fuskantar barazana musamman a hannun kowacce jam’iyya mai mulki wanda hakan ke nuna Demokaradiyya a kasar nan bata samu gindin zama ba.

Shugaban kungiyar karfafawa mutane guiwa da shiga harkokin dimokuradiyya ta jihar Kano Kwamared Abdularak Alkali ne ya bayyana hakan ta cikin shirin muleka Mugano na musamman na gidan Radio Freedom a jiya Lahadi daya mayar da hankali kan zaben cike gurbi da aka gudanar a ranar Asabar data gabata.

Kwamared Abdulrazak Alkali ya kara da cewa matukar mutane suka fara yanke tsammanin samun Adalci a zabukan da ake gudanarwa shakka babu, abun ba zai haifar da da mai ido ba duba da irin kura-kuran da jam’iyyun ke tafkawa a lokacin zabe domin ganin ganin Jam’iyyarsu tayi nasara.

 

Abdulaziz Alkali yace zaben cike gurbi da akayi a ranar Asabar data gabata  abun tsoro ne yadda aka samu karancin fitowar jama’a a wasu gurare sakamakon tsoron abunda kaje yazo na tashin hankali musamman yadda jagororin siyasa ke zuwa guraren zabe domin ganin jam’iyyarsu tayi nasara ta ko wane hali.

 

Wakilin mu Abdulkarim Muhammad Abdulkarim Tukuntawa ya ruwaito Shugaban kungiyar Kwamared Abdulaziz Alkali na cewa abun takaici ne yadda wasu kasashe suka ki amincewa da tura jami’an su masu sanya ido akan zabuka musamman a wannan zaben cike gurbi da ka gudanar a ranar Asabar data gabata sakamakon rashin ingantacciyar demokradiyyar kasar nan.

Continue Reading

Labarai

Sabbin sarakunan Kano sun kai wa Ganduje ziyarar taya murna

Published

on

Sabbin sarakunan 4 da suka hada da Rano da Karaye da Gaya da Karaye sun kai ziyarar taya gwamnan jihar Kano murnar samun nasara ta tabbatar dashi a matsayin gwannan Kano bayan da Kotun Koli tayi a ayyana shi ne ya samu nasara.

A ya yin ziyarar ta sabbin sarkuna sun kawo ziyarar tare da hakiman su .

Ka zalika gwamna ya tarbe  su a dakin taro na Africa House dake fadar gwamnatin jihar Kano.

Ziyarar sun kawo ta daya-bayan-daya, inda Sarkin Karaye ne ya fara zuwa, sai na Rano ,sai wakilin Sarkin Gaya , Sarkin Yakin Gaya Hakimin Ajingi , Alhaji Wada Aliyu Gaya, sai Sarkin Bichi da ya zo daga karshe wato Aminu Ado Bayero .

Continue Reading

Labarai

 Zulum sarkin aiki – Inji masu iya magana

Published

on

Daga Nasiru Salisu Zango

farfesa Babagana Umara Zulum shine Gwamna da yanzu ya zama zakaran gwajin dafi a cikin gwamnonin Nigeria.
Kokarinsa da jajircewarsa wajen kare hakkin talaka a salon mulki irin na salihan baya, shine ya zame masa Jari wajen samun karuwa, ba a jihar Borno Kadai ba har ma a Nigeria baki daya.

Gidan radiyon freedom muryar jama’a zai cigaba da kawo muku Shiri na Musamman akan ayyukan Professor Babagana Umara Zulum gwamnan jihar Borno.

za’a yi ne a tasoshin mu dake Kano da Kaduna.

Shirin zaizo da karfe 7.30 na dare a tashar freedom Kaduna, karfe 8 zuwa 10-10:30 na daren Lahadin a tashar Freedom dake Kano.

HON. Tanimu Tahir Mbaya mataimakin gwamnan jihar Borno a Fannin Yada labarai shine ya dauki nauyin kawo shirin.

A kasance damu Dan Jin kokarin Murucin Kan Dutse Bai fito ba sai da ya shirya.

Rubutu daga Nasiru Salisu Zango

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!