Connect with us

Labarai

Masu sarautun gargajiya na yiwa ma’aikata katsalandan- Kungiya

Published

on

Shugaban Kungiyar kwadago na kamfanoni masu zaman kansu na jihar Kano Kwamared Ali Baba, ya zargi masu rike da sarautun gargajiya musamman masu unguwanni na Kano da yiwa ma’aikatan kamfanoni barazana matukar suka yi yunkurin kafa kungiya a kamfanin da suke aiki.

Kwamared Ali Baba ya bayyana hakan ne a yau Litinin yayin zantawarsa da wakilin Freedom Radio Abdulkarim Muhammad Abdulkarim Tukuntawa inda ce hana ma’aikata shiga kungiya a kamfani ba komai zai haifar musu ba face bautar da su da tare da take musu hakkokinsu da walwala.

Haka kuma ya kara da cewa abun ba iya nan ya tsaya ba domin kuwa masu unguwannin su kan bi gidajen iyayen ma’aikatan suna jan kunnensu cewa su gargadi ‘ya’yansu kan kada su sake su yi maganar kafa kungiya a kamfanonin da suke aiki wanda hakan bai kamata ba.

Kwamared Ali Baba ya ce a shekarun baya zamanin marigayi mai martaba Sarkin Kano Alhaji Dr Ado Bayero kungiyar ta taba kai masa kuka akan lamarin dake faruwa a kamfanonin saboda lamarin yana matukar ci musu tuwo a kwarya.

Shugaban Kungiyar kwadagon na kamfanoni masu zaman kansu ya ce akwai tarin zarge – zarge da suke yiwa masu unguwanni ciki har da zargin hada baki da masu kamfanoni cewa duk wanda za a dauke shi aiki sai an kafa masa sharadin cewa babu batun kafa kungiya a kamfani.

Labarai

Karancin fitowar masu zabe abun tsoro ne- Abdulrazak Alkali

Published

on

Kungiyar karfafawa mutane gwiwa don shiga harkokin dimokradiyya ta jihar Kano tace dimokuradiyya diyya a Najeriya na fuskantar barazana musamman a hannun kowacce jam’iyya mai mulki wanda hakan ke nuna Demokaradiyya a kasar nan bata samu gindin zama ba.

Shugaban kungiyar karfafawa mutane guiwa da shiga harkokin dimokuradiyya ta jihar Kano Kwamared Abdularak Alkali ne ya bayyana hakan ta cikin shirin muleka Mugano na musamman na gidan Radio Freedom a jiya Lahadi daya mayar da hankali kan zaben cike gurbi da aka gudanar a ranar Asabar data gabata.

Kwamared Abdulrazak Alkali ya kara da cewa matukar mutane suka fara yanke tsammanin samun Adalci a zabukan da ake gudanarwa shakka babu, abun ba zai haifar da da mai ido ba duba da irin kura-kuran da jam’iyyun ke tafkawa a lokacin zabe domin ganin ganin Jam’iyyarsu tayi nasara.

 

Abdulaziz Alkali yace zaben cike gurbi da akayi a ranar Asabar data gabata  abun tsoro ne yadda aka samu karancin fitowar jama’a a wasu gurare sakamakon tsoron abunda kaje yazo na tashin hankali musamman yadda jagororin siyasa ke zuwa guraren zabe domin ganin jam’iyyarsu tayi nasara ta ko wane hali.

 

Wakilin mu Abdulkarim Muhammad Abdulkarim Tukuntawa ya ruwaito Shugaban kungiyar Kwamared Abdulaziz Alkali na cewa abun takaici ne yadda wasu kasashe suka ki amincewa da tura jami’an su masu sanya ido akan zabuka musamman a wannan zaben cike gurbi da ka gudanar a ranar Asabar data gabata sakamakon rashin ingantacciyar demokradiyyar kasar nan.

Continue Reading

Labarai

Sabbin sarakunan Kano sun kai wa Ganduje ziyarar taya murna

Published

on

Sabbin sarakunan 4 da suka hada da Rano da Karaye da Gaya da Karaye sun kai ziyarar taya gwamnan jihar Kano murnar samun nasara ta tabbatar dashi a matsayin gwannan Kano bayan da Kotun Koli tayi a ayyana shi ne ya samu nasara.

A ya yin ziyarar ta sabbin sarkuna sun kawo ziyarar tare da hakiman su .

Ka zalika gwamna ya tarbe  su a dakin taro na Africa House dake fadar gwamnatin jihar Kano.

Ziyarar sun kawo ta daya-bayan-daya, inda Sarkin Karaye ne ya fara zuwa, sai na Rano ,sai wakilin Sarkin Gaya , Sarkin Yakin Gaya Hakimin Ajingi , Alhaji Wada Aliyu Gaya, sai Sarkin Bichi da ya zo daga karshe wato Aminu Ado Bayero .

Continue Reading

Labarai

 Zulum sarkin aiki – Inji masu iya magana

Published

on

Daga Nasiru Salisu Zango

farfesa Babagana Umara Zulum shine Gwamna da yanzu ya zama zakaran gwajin dafi a cikin gwamnonin Nigeria.
Kokarinsa da jajircewarsa wajen kare hakkin talaka a salon mulki irin na salihan baya, shine ya zame masa Jari wajen samun karuwa, ba a jihar Borno Kadai ba har ma a Nigeria baki daya.

Gidan radiyon freedom muryar jama’a zai cigaba da kawo muku Shiri na Musamman akan ayyukan Professor Babagana Umara Zulum gwamnan jihar Borno.

za’a yi ne a tasoshin mu dake Kano da Kaduna.

Shirin zaizo da karfe 7.30 na dare a tashar freedom Kaduna, karfe 8 zuwa 10-10:30 na daren Lahadin a tashar Freedom dake Kano.

HON. Tanimu Tahir Mbaya mataimakin gwamnan jihar Borno a Fannin Yada labarai shine ya dauki nauyin kawo shirin.

A kasance damu Dan Jin kokarin Murucin Kan Dutse Bai fito ba sai da ya shirya.

Rubutu daga Nasiru Salisu Zango

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!