An bukaci gwamnati ta gina hanyoyi a Gwarzo

Majalisar dokokin Jihar Kano ta bukaci gwamatin jihar Kano da ta gina titin da ya tashi daga Sabon Birni a garin Getso zuwa garin Tabanni da sauran yankunan da ke makwabtaka da su a karamar hukumar Gwarzo.

Dan majalisar jihar Kano mai wakiltar karamar hukumar Gwarzo Yunusa Haruna Kayyu ne ya bukaci hakan yayin da yake gabatar da kudirin hanyoyin a gaban majalisar a yayin zamanta nay au litinin.

Majalisa ta amince Ganduje ya nada sabbin masu ba shi shawara

An bukaci Gwamnatin Kano ta gyara wasu tituna a karamar hukumar Gwarzo

Ya ce yin aikin hanyar yana da matukar muhimmanci ga mazauna yankin duba da irin wahalar da suke sha sakamakon rashin wannan hanya.

Wakilinmu na majalisar dokokin jihar Kano Auwal Hassan Fagge, ya ruwaito Yunusa Haruna Kayyu na bayyana cewa gina hanyar zai habbaka tattalin arzikin yankin tare da saukakawa ta fannin harkokin ilimi, lafiya da sauran ababen more rayuwa.