Coronavirus
Covid-19: Cibiyar gwajin Corona zata fara aiki a Jigawa
Gwamnatin jihar Jigawa tace cibiyar gwajin cutar corona zata fara aiki daga ranar litinin mai zuwa a jihar.
Kwamishinan lafiya na jihar kuma shugaban kwamatin karta-kwana na yaki da cutar corona a jihar Jigawan shine ya tabbatar da haka ga manema labarai.
Dakta Abba yace tuni kayan gwaje-gwajen suka iso jigawa an kuma fara sanya su a wani sabon sashe dake cikin babban asibitin Dutse wato Dutse (General Hospital).
A cikin makon daya gabata ne dai gwamnatin jihar jigawa taci alwashin gina tata cibiyar, sakamakon kalubalen da take fuskanta na gwajin cutar.
Wakilinmu Muhd Aminu Umar ya rawaito kwamishinan na cewa cibiyar zata cigaba da aiki koda bayan Corona ta wuce, ta hanyar ci gaba da gwajin cutuka masu ya duwa.
Karin labarai:
Za a samar da kotun tafi da gidanka kan Coronavirus a Jigawa
You must be logged in to post a comment Login