‘Yan bindiga sun sace tare da yin garkuwa da mai dakin shugaban kungiyar ‘yan jaridu ta kasa reshen jihar Nassarawa Suleiman Abubakar, Yahanasu Abubakar.

Suleiman Abubakar ya shaidawa manema labarai cewa lamarin ya faru ne da misalin karfe bakwai na yammacin jiya akan titin Gudi-Garaku da ke yankin karamar hukumar Akwanga a jihar ta Nassarawa.

A cewar sa ‘yan bindigar sun yi harbi a motar safa mallakin kungiyar ‘yan jaridu ta kasa wanda matar sa ke ciki bayan sun baro garin Keffi, inda taje ta yi rajista a sansanin ‘yan hidimar kasa.

Haka zalika ‘yan bindigar sun kuma sace matar wani tsohon dan majalaisar jihar ta Nassarawa wadda ta ke cikin motar ta su da kuma wasu mata biyu da ke wata motar ta daban.

Da ya ke mai da jawabi kan faruwar lamarin, mai magana da yawun rundunar ‘yan sandan jihar ta Nassarawa Sama’ila Usman, ya ce tuni suka baza jami’ansu don ceto matan da aka sace

Gamayyar jam’iyyun adawa guda ashirin da takwas sun ki amincewa da nasarar da gwamnan jihar Sokoto Alhaji Aminu Waziri Tambuwal ya samu na zarcewa a karo na biyu a yayin zaben gwamnan jihar da aka gudanar a baya-bayan nan.

Jam’iyyun sun bayyana matsayar ta su ce yayin wani taron manema labarai jiya a garin Sokoto.

Da ya ke jawabi a madadin sauran jam ‘iyyun, dan takarar gwamna a tutar jam’iyyar NEPP, Musa Aliyu, ya ce, gamayyar jam’iyyun baki daya ba su gamsu da sahihancin sakamakon zaben ba.

Ya ce a yayin zaben an tabka magudi da cin zarafin masu kada kuri’a wanda hakan ya sabawa dokokin zabe dama kundin tsarin mulkin kasar nan.

adi da ta gabata ne hukumar zabe ta kasa INEC ta bayyana Aminu Waziri Tambuwal na jam’iyyar PDP a matsayin wanda ya samu nasara a zaben gwamnan na jihar Sokoto.

Hukumar zabe ta kasa (INEC), ta ce za ta yi jinkirin baiwa wanda ya samu nasara a zaben gwamnan jihar Zamfara da aka kammala a baya-bayan nan, takardar shaidar lashe zabe.

Haka zalika hukumar INEC ta kuma ce za ta yi jinkirin baiwa ‘ya’yan jam’iyyar ta APC da suka samu nasara a yayin zaben ‘yan majalisun dokokin jihar da aka gudanar a ranar tara ga watan da muke ciki na Maris takardar su ta lasisi.

Hakan na cikin wata sanarwa da hukumar ta wallafa a shafinta na facebook.

A cewar sanarwar hakan ya faru ne sakamakon karbar takardar kotu wanda rushe zaben fidda gwani da jam’iyyar APC a gudanar a jihar.

A shekaran jiya litinin ne dai kotun daukaka kara da ke Sokoto ta rushe zabukan fidda gwani da jam’iyyar APC ta gudanar a jihar ta Zamfara.

Hajiya Habiba Abdulsalam wacce ‘ya ce ga mataimakin shugaban kungiyar Editoci ta kasa Malam Suleman  Uba-Gaya wacce aka sace a kwanakin baya anan Kano, ta shaki iskar ‘yanci, kuma tuni aka sada ta da iyalan ta.

Da yake shedawa manema labarai kan mumunan labarin Alhaji Uba-Gaya ya ce ‘yar ta sa ta gudu daga hannun wadanda suka sace ta a daren ranar Asabar.

Mataimakin shugaban kungiyar Editoci ta kasan ya kara da cewar, masu satar mutanen sun sace ‘yar ta sa ne ranar Juma’a tsakanin  karfe 5 zuwa 6 na yammacin ranar.

A cewar Malam Suleman Uba-Gaya Dan Uwan Habiba ne ya kira wayar ta bayan da ya kasa samu ta kuma ki shiga, daga nan ne suka shiga nema, yayin da mintuna kadan bayan da tayi Magana da daya daga cikin ‘yan uwan ta, hakan ne ya sababa cewa wasu da ba’a san ko suwaye ba sun sace ta.

Mataimakin shugaban kungiyar Editoci ta kasa ya kara da cewar yana godewa jami’an ‘yan sanda da hukumomin tsaro, saboda namijin kokarin da suka yi wajen ceto ‘yar ta sa a hannun masu satar mutane.

Dagacin Duhu na jihar Adamwa Mohammed Sanusi ya ce mayakan  kungiyar Boko Haram sun kai hari kauyukan da ke kan iyakokin jihohin Adamawa da Borno da ya hada da Michika da Madagali a daren ranar Litinin da ya sanaya sukan kona gidaje saboda su yi jidon kayayyakin abinci ne.

Wasu mazauna yankin da suka boya da wanda suke tsire kan tsaunika sun shedawa manema labarai cewa a yayin kai harin ‘ya’yan kungiyar Boko Haram sun yi wa yara kanana da datijawa da kuma barasa lafiya da bindigogi.

Sai dai kawo yanzu hukumomin tsaro ba su bayyana irin asarar da aka tafka ba.

A cewar Malam Sanusi ya ce ‘yan tada kayar bayar sun dawo kauyukan ne domin daukar fansa, bayan da suka gaza yin katabus yayin kai harin da suka yi na karshe a yankunan Michika da Madagali kwanaki 7 ke nan, kasancewar rundunar sojan saman kasar nan ta maida martani.

Rahotanni sun bayyana cewar wannan shi ne hari na 3 da kungiyar Boko Haram din da kai wadannan kauyuka na Madagali da Michika a jihar Adamawa a cikin wata guda

Gwamnatin tarayya ta ce nan ba da dadewa ba za ta dawo kan batun kafa kamfanin zirga-zirgar jiragen sama na kasa wato Nigeria Air.

Karamin ministan sifirin jiragen sama na kasa Sanata Hadi Sirika ne ya bayyana haka lokacin da ya ke kare kunshin kasafin kudin ma’aikatar sa gaban kwamitin kula da harkokin jiragen sama na majalisar dattawa.

A cewar Sanata Hadi Sirika, dama tun farko an dakatar da shirin ne na wucin gadi domin sake shiri, yana mai cewa nan gaba ba da dadewa ba al’ummar kasar nan za su fara cin gajiyar kamfanin na Nigeria Air.

Ministan ya ce shugaban kasa Muhammadu Buhari tun  bayan darewar sa karagar mulki a shekarar dubu biyu da goma sha biyar, ya nuna damuwar sa kan yadda duk da cewa kasar nan ke da kasuwan siifirin jiragen sama amma kuma babu wani kamfani na kasar nan da ya ke cin gajiyar lamarin.

Sanata Hadi Sirika ya kuma ce kamar dai yadda aka tsara tun da fari bangarorin masu zaman kansu ne za su samo da kaso mafi yawa na kudaden da za a kashe wajen gudanar da shirin.