Freedom Radio Nigeria Labaran Wasanni Joseph Yobo ya shawarci ‘yan wasan da za su wakilci Super Eagles a gasar cin kofin kasashen Afrika

Joseph Yobo ya shawarci ‘yan wasan da za su wakilci Super Eagles a gasar cin kofin kasashen Afrika



Tsohon kyaftin din kungiyar kwallon kafa na Super Eagles Joseph Yobo, ya shawarci ‘yan wasa da za su fafata a gasar cin kofin kasashen Afrika su kasance masu jajircewa domin su taka rawan gani a wasan da za su buga a kasar Masar.

Yobo ya bayyan hakan ne yayin tattauna da manema labarai da safiyar yau Lahadi.

Tsohon kyaftin din ya kuma ce, ya kamata ‘yan wasan su hada kai don su samu sabon salon taka leda, wanda zai kai su ga nasara, tare da cewa, ko a zamaninsa sun bada gudunmowa wanda har ta kai ga sun samu nasara a wasani daban-daban.