JAMB:ta kama mutane 50 wadanda suka kware wajen rubutawa dalibai jarabawa

Hukumar shirya jarabawar shiga manyan makarantun gaba da Sakandire ta kasa JAMB, ta zargi wasu daga cikin jami’oi masu zaman kansu na kasar na da taimakawa ayyukan cin hanci da rashawa.

 

Shugaban hukumar ta JAMB Farfesa Is-haq Oloyede ne ya bayyana haka a wajen wani taron jami’oi masu zaman kansu da ke gudana a Abuja, wanda hukumar kula da jami’oi ta kasa ta shirya.

 

Ya ce shekarun baya gwamnati ta baiwa bangarorin masu zaman kansu da su sanya hannu a bangaren ilimi sai dai manufar shirin bai samu nasara ba sakamakon irin badakalar da ke faruwa.

 

Farfesa Is-haq Oloyede ya kuma ce halin da jami’oi masu zaman kansu ke ciki a kasar nan abin damuwa ne a don haka ya bukaci dukkannin masu ruwa da tsaki da rika aiki tare don ganin an magance matsalar.

 

Tun farko da ya ke gabatar da nasa jawabi shugaban hukumar kula da jami’oi ta kasa Farfesa Abubakar Rasheed, cewa ya yi, hukumar a yanzu haka ta karbi wasikar neman kafa sabbin jami’oi masu zaman kansu guda dari uku da uku.

Opinion Polls

Listen – iOS

Tune In

Share
Share
  • Hukumar kiyaye hadurra a Najeriya ta kama motocin sata 70 a wasu jihohin kasar
  • zamu sake nazartar sayar da kadarorin da suka shafi bangaren lantarki-Shugaba Buhari
  • kasar Isra’ila zata fice daga hukumar UNESCO