Connect with us

Labarai

Shugaban kwalejin fasaha ta Kano ya musanta zargin da ake yi musu

Published

on

Shugaban kwalejin kimiyya da fasaha ta Polytechnic Farfesa Mukhtar Atiku Kurawa ya musanta zargin da kungiyar malaman kwalejin ta ASUP da kungiyoyin dalibai suka yi na cefanar da wasu filaye mallakin makarantar.

Farfesa Mukhtar Atiku Kurawa ya bayyana hakan ne yau, jim kadan bayan wata zanga-zangar lumana da ta wakana da safiyar yau a harabar makarantar, a wani mataki na nuna fushin su kan zargin da suke yi cewar Gwamnatin Kano ta dau gabarar siyar da wani bangare na kwalejin, wanda hakan suka ce kai ya barazana da ci gaban harkar ilmin daliban.

An zargi shugabar makaranta da amsar kudin dalibai

An dage yanke hukunci a shari’ar takardun makarantar Shugaba Buhari

Mahukunta sun rufe makarantar KCC Kano
Wakilin mu Umar Idiris Shu’ibu ya rawaito mana cewa, farfesa Kurawa ya kuma kara da cewa, shakka babu Gwamnatin Kano ko kadan bata dauki wannan mataki ba. A maimakon haka ta maida hankali ne wajen bunkasa sha’anin koyo da koyarwar dalibai.

Shugaban kwalejin ya kuma bada tabbacin gabatar da koken kungiyar ASUP ga Gwamnan jihar Kano Abdullahi Umar Ganduje, don ganin an kare muradan su da suka shafi ci gaban dalibai.

Labarai

Lassa tayi asarar rayuka a jihar Gombe

Published

on

Gwamnatin jihar Gombe ta tabbatar da rasuwar mutane uku a sanadiyar kamuwa da cutar zazzabin Lassa.

Kwamishinan lafiya na jihar Gombe Dakta Ahmad Muhammad Gana ne ya bayyana hakan a yau Talata ya yin da yake ganawa da manema labarai kan bullar cutar Lassa a jihar.

Dakta Gana ya ce mutane bakwai ne suka kamu da cutar inda uku daga ciki suka rasa rayukansu.

Zazzabin Lassa ya barke a jihar Kaduna

Likitocin AKTH sun rasa rayukan su saboda zargin kamuwa da zazzabin Lassa

Sarkin Kano ya ankarar da jama’a kan cutar Lassa

Kazalika Dakta Gana ya ce tuni gwamnan jihar Gombe ya bada umarnin killace sauran mutane hudu da suke dauke da cutar don cigaba da kula da lafiyarsu.

Wakilin mu Sa’idu Baffa Malala ya rawaito cewar, wadanda suka rasu, mutum guda ya  fito ne  daga  Karamar hukumar Ibbi ta jihar Taraba sai  kuma daya daga karamar hukumar Bayo ta jihar  Borno  sannan mace daya daga Yamaltu Deba a jihar Gombe.

Continue Reading

Labarai

Karancin fitowar masu zabe abun tsoro ne- Abdulrazak Alkali

Published

on

Kungiyar karfafawa mutane gwiwa don shiga harkokin dimokradiyya ta jihar Kano tace dimokuradiyya diyya a Najeriya na fuskantar barazana musamman a hannun kowacce jam’iyya mai mulki wanda hakan ke nuna Demokaradiyya a kasar nan bata samu gindin zama ba.

Shugaban kungiyar karfafawa mutane guiwa da shiga harkokin dimokuradiyya ta jihar Kano Kwamared Abdularak Alkali ne ya bayyana hakan ta cikin shirin muleka Mugano na musamman na gidan Radio Freedom a jiya Lahadi daya mayar da hankali kan zaben cike gurbi da aka gudanar a ranar Asabar data gabata.

Kwamared Abdulrazak Alkali ya kara da cewa matukar mutane suka fara yanke tsammanin samun Adalci a zabukan da ake gudanarwa shakka babu, abun ba zai haifar da da mai ido ba duba da irin kura-kuran da jam’iyyun ke tafkawa a lokacin zabe domin ganin ganin Jam’iyyarsu tayi nasara.

 

Abdulaziz Alkali yace zaben cike gurbi da akayi a ranar Asabar data gabata  abun tsoro ne yadda aka samu karancin fitowar jama’a a wasu gurare sakamakon tsoron abunda kaje yazo na tashin hankali musamman yadda jagororin siyasa ke zuwa guraren zabe domin ganin jam’iyyarsu tayi nasara ta ko wane hali.

 

Wakilin mu Abdulkarim Muhammad Abdulkarim Tukuntawa ya ruwaito Shugaban kungiyar Kwamared Abdulaziz Alkali na cewa abun takaici ne yadda wasu kasashe suka ki amincewa da tura jami’an su masu sanya ido akan zabuka musamman a wannan zaben cike gurbi da ka gudanar a ranar Asabar data gabata sakamakon rashin ingantacciyar demokradiyyar kasar nan.

Continue Reading

Labarai

Sabbin sarakunan Kano sun kai wa Ganduje ziyarar taya murna

Published

on

Sabbin sarakunan 4 da suka hada da Rano da Karaye da Gaya da Karaye sun kai ziyarar taya gwamnan jihar Kano murnar samun nasara ta tabbatar dashi a matsayin gwannan Kano bayan da Kotun Koli tayi a ayyana shi ne ya samu nasara.

A ya yin ziyarar ta sabbin sarkuna sun kawo ziyarar tare da hakiman su .

Ka zalika gwamna ya tarbe  su a dakin taro na Africa House dake fadar gwamnatin jihar Kano.

Ziyarar sun kawo ta daya-bayan-daya, inda Sarkin Karaye ne ya fara zuwa, sai na Rano ,sai wakilin Sarkin Gaya , Sarkin Yakin Gaya Hakimin Ajingi , Alhaji Wada Aliyu Gaya, sai Sarkin Bichi da ya zo daga karshe wato Aminu Ado Bayero .

Continue Reading

Now Streaming

Trending

Copyright © 2019. Freedom Radio Group. All Rights Reserved.

error: Content is protected !!