Abinda yasa Jamb ta tilastawa dalibai amfani da lambar NIN

Hukumar shirya jarrabawar shiga manyan makarantu ta kasa JAMB ,ta ce a bana babu dalibin da zai rubuta jarrabawar shekara 2020 har sai yana da lambar katin dan kasa wato NIN.

Mai Magana da yawun hukumar Dakta Fabian Benjamin ne ya bayyana haka a jiya Talata a lokacin da yake zantawa da manema labarai a Lagos.

Fabian Benjamin ya ce manufar shi ne samun cikakkun bayanan dalibi a wani mataki na dakile satar jarrabawa.

Yace hukumar ta JAMB ta yi tsarukan da suka kamata da hadin gwiwar hukumar da ke kula da mallakar katin dan kasa domin samun nasarar al’amarin.