Gwamna Abba ya ƙaddamar da biyan ƴan Fansho Naira biliyan 5000 a karo na biyu

Gwamnatin jihar Kano ta ƙaddamar da bayar da kuɗin garatuti kashi na biyu ga tsaffin ma’aikatan da suka kammaka aikin su 4000 domin zuwa su gudanar da sana’o’in dogaro dakai.

Da yake ƙaddamar da bayar da kuɗin garatutin yau a fadar gwamnatin Kano, gwamna Abba Kabir Yusuf yayi kira ga dukkanin wa’inda suka karɓi wannan kudin a wannan lokaci da su tabbatar sunje gida domin kula da iyali da su.

Gwamna Yusuf ya ƙara da cewa Wannan kuɗi da suka karɓa hakkin su ne ba kyauta aka basu ba, irin halin da suke ciki na tsahon shekaru da kammala aiki ba’a biya su ba ya sanya gwamnati tayi wannan yunkurin domin biyan su hakkin su.

Haka kuma gwamnatin jihar Kano tace zata ci gaba da biyan dukkannin ƴan fansho rukuni rukuni kuɗaɗen su.