Connect with us

Labarai

Jihar Taraba: Yan bindiga dadi sunyi ajalin akalla mutane uku tare da jikkata wasu bakwai

Published

on

Akalla makiyaya uku ne suka mutu wasu bakwai kuma suka jikkata bayan da wasu ‘yan bindiga suka bude wuta a kasuwar dabbobi dake Mararrabar Kunini a karamar hukumar Lau a Jihar Taraba.

Wani jam’in ‘dan sanda da aka sakaya sunansa ya shaidawa manema labarai cewa da yammacin jiya Lahadi cewa ‘yan bindigar sun arce bayan kai harin, kuma ana ci gaba da nemansu ruwa a jallo.

Rundunar ‘yan-sandan Jihar ta tabbatar da faruwar lamarin ta-bakin mataimakin Sufurtandan ‘yan sanda David Misal, kuma ba su kai ga kama ko da mutum guda game da harin ba, amma duk sun tsaurara matakan tsaro a yankin don kuacewa sake aukuwar hakan.

Wani daga cikin ‘yan kasuwar Malam Kawu ya ce suna tsaka da hada-hadar cinikayyar Shanu da Awaki da kuma Tumaki sai suka ji harbe-harbe wanda daga nan ne suka fara gudun tsira.

Shi ma wani mai sayar da kayan sawa na gwanjo Mista Josiah Bante ya ce maharani ba su komai ba a kasuwar, in banda harbin mutane da suka rika yi.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,220 other subscribers.

Copyright © 2019. Freedom Radio Group. All Rights Reserved.

error: Content is protected !!