Siyasa : Yadda wasu ‘yan majalisa suka sauya sheka a Najeriya

Wasu mambobin majalisar wakilai guda biyu daga jam’iyyar PDP da APGA sun sauya sheka zuwa jam’iyyar APC  a yau Talata.

Ali Datti Yako wakilin kananan hukumomin Kiru da Bebeji anan jihar Kano dan jam’iyyar PDP ya sauya sheka zuwa jam’iyyar APC.

Haka zalika shima Shiddi Usman Danjuma daga jihar Taraba dan jam’iyyar APGA ya sauya sheka zuwa jam’iyyar APC.

Shugaban majalisar ta wakilai Femi Gbajabiamila ya yin zaman majalisar na yau ne ya karanta wasikar sauya shekar da mambobin biyu su ka yi.