Ƴan sanda sun kama Lauyan bogi a Zamfara

Rundunar ƴan sandan jihar Zamfara ta kama wasu mutane da ake zargi da aikata laifuka, ciki harda wani lauya da ya yi Sojan Gona.

Mai magana da yawun rundunar SP Muhammad Shehu ne ya bayyana haka ga manema labarai.

SP. Shehu ya ce, sun sami korafi daga kungiyar Lauyoyin jihar kan wani mai suna Chukwuka Jude a babbar Kotun shariar Muslinci ta Gusau dauke da shaida dake nuna shi lauya ne.

Hakan yasa wanda ake zargin ya buƙaci wani mutum ya bashi dubu ɗari don ya tsaya masa a kan shariarsa, a nan ne kuma dubunsa ta cika.

Rundunar ta kama wasu mutane tara da ake zargi da kai hari kasuwar garin Tsafe.