An gano maboyar yan bindiga a Tsafe ta jihar Zamfara

Rahotanni daga karamar hukumar Tsafe ta jihar Zamfara sun tabbatar da cewa a yanzu an gano maboyar yan bindiga a yankin.

Shugaban karamar hukumar ta Tsafe Alhaji Aminu Mudi Tsafe ne ya tabbatar da hakan a zantawarsa da wakiliyar Freedom Radio Fatima Muhammad Adamu.

“Lokacin da yan bingiga suka kai hari a jiya Lahadi, jami’an soji sun bi bayan su, inda a nan ne suka gano maboyar ta su”.

“Sanin maboyar ta su zai taimaka mana wajen farmarkar su tare da lalata maboyar ta su, kuma tuni jami’an tsaro sun fara shirin tunkarar su” a cewar Mudi Tsafe.

A ranar Lahadi ne wasu yan bindiga suka kai hari karamar hukumar Tsafe ta jihar Zamfara tare da kashe mutane da dama ciki har da dan gidan tsohon mataimakin sifeton janar na yan sanda Mamman Tsafe.