An nada Alhaji Muslimu Smith a matsayin sabon shugaban hukumar kula da ayyukan ‘yan sanda ta kasa

Shugaban kasa Muhammadu Buhari ya nada Alhaji Muslimu Smith a matsayin sabon shugaban hukumar kula da ayyukan ‘yansanda ta kasa.

Alhaji Muslimu Smith wanda tsohon sufeta janar na ‘yansandan kasar nan ne ya maye gurbin Mike Okiro wanda shima tsohon sufeta janar na ‘yansandan kasar nan ne.

Haka zalika shugaban kasar ya kuma nada wasu mutane biyar a matsayin mambobin a hukumar ta kula da ayyukan ‘yansandan.

Hakan na kunshe ne cikin wata wasika da shugaban majalisar dattawa Bukola Saraki ya karantawa ‘yayan majalisar ya yin zamansu na yau.