An samu musayar yawu tsakanin masu gabatar da ƙara da Lauyan Muhuyi Magaji

An samu musayar yawu tsakanin masu gabatar da ƙara da Lauyan Muhuyi Magaji a zaman kotun na ranar Laraba ƙarƙashin jagorancin mai shari’a Aminu gabari .

Mai gabatar da ƙara Barista Wada A. Wada ya roƙi kotun da ta basu cikakkun bayanan cika sharuɗɗan belin da aka baiwa Muhuyi Magaji tun da fari.

Nan take Lauyan da ke kareshi Barista Muhammad Ɗan Azumi yayi suka, inda yace ai kwamishinan sharia bashi da ikon wannan bincike

A nan ne kotu ta yanke cewar masu gabatar da ƙara za su iya rubuto takarda zuwa ga magatakarda ko kuma su yi roƙo lokacin da ake gudanar da shari’ar

Hakan yasa kotu ta ɗage zaman zuwa ranar Alhamis gobe 05/05/2022 domin baiwa masu gabatar da ƙara damar rubuto buƙatar su kamar yadda wakilin Freedom Radio Aminu Abdu Bakanoma ya rawaito.