APC zata daukaka kara kan shari’ar zaben gwamnan Sokoto

Jami’yyar APC a jihar Sokoto ta bayyana cewa bata gamsu da hukuncin kotun sauraron kararrakin zabe ta gudanar a jiya ba, wacce ta kori karar da dan takarar jam’iyyar APC Ahmad Aliyu ya shigar yana kalubalantar zaben gwamna Aminu Waziri Tambuwal

Wannan na kunshe a wata sanarwa da Shugaban jamiyyar APC, na jihar Sokoto Alhaji Isa Acida ya fitar a yau.

Jamiyyar ta bayyana cewa bata amince da hukunci da kotu sauraron kararrakin ta yi ba, a cewar sa kotun ta nuna son kai da bangaranci.

Ya kara da cewa lauyoyin na nan na bincike kan bayanan da kotun ta fitar, sannan zasu daukaka kara a kotun da ya dace.

Shugaban jamiyyar ya kuma kira ga yan jamiyyar ta APC a duk fadin jihar da su kara hakuri su kuma zauna lafiya, tare da tabbabar musu da cewar jamiyyar zata yi iya kokarinta.