ASUU:- Wasu mambobin mu na bin gwamnati bashin albashin watanni 15 zuwa 16

Kungiyar malaman jami’oi ta kasa ASUU ta ce wasu mambobinta suna bin gwamnatin tarayya bashin albashin watanni goma sha biyar zuwa sha shida.

A cewar kungiyar ta ASUU mafi yawa na malaman da suke bin bashin albashin wadanda suke hutun sabbatical ne.

Shugaban kungiyar na kasa farfesa Biodun Ogunyemi ya yin zantawa da jaridar The Nation, ya kuma zargi akanta janar na tarayya Ahmed Idris da kuntatawa malaman jami’oi da gangan.

Ya ce, neman tursasa malaman jami’io da su shiga tsarin biyan albashi na IPPIS yana daya daga cikin dalilan da ke kara ta’azara mawuyacin halin da malaman jami’oi ke ciki.