Ba na tsare a hannun EFCC- Mele Kyari

Tsohon shugaban kamfanin mai na Najeriya NNPCL Mele Kyari, ya musanta da rahotonnin da wasu kafafen yada labarai ke yadawa na cewa ya na tsare a hannun hukumar EFCC.

Mele Kyari, ya bayyana haka ne ta cikin wata sanarwa da ya fitar bayan wata takarda mai tambarin hukumar EFCC ta karade kafofin yada labarai, wadda ke cewa an kama tsohon shugaban da wasu mukarrabansa da suka yi aiki tare.

To sai dai Kyari ya yi watsi da wannan batu inda ya ce bi-ta-da-kulli kawai ake yi masa da neman cimma wata manufa.