Ba ni da hannu cikin zargin damfarar gwamnatin tarayya naira biliyan 51 -Zahra Buhari

Daya daga cikin ‘ya’yan shugaban kasa Muhammadu Buhari wato Zahra Buhari ta musanta zargin cewa tana da hannu cikin wata almundahanar kudi naira biliyan 51, har ma aka baiwa gidauniyarta naira biliyan biyu da rabi.

Inda lauyanta Nasiru Aliyu ya bukaci Jaridar nan ta Sahara Reporters da ta wallafa labarin da ta gaggauta janye wa tare da ba da hakuri, sannan ta wallafa ban hakurin a shafukan Jaridun kasar nan guda uku cikin kwanaki bakwai, ko kuma su dauki matakin shari’a.

“Zahra Buhari ‘yar kasa ce ta gari mai bin doka, kuma wannan labari da aka wallafa an yi shi ne don bata mata suna” a cewar Sani Aliyu (SAN).

Jaridar intanet ta Sahara Reporters ce ta wallafa labarin cewa wani jigo a Jam’iyya mai mulkin kasa ta APC mai suna Alhaji Nasiru Danu yana da hannu cikin badakalar kudi da suka kai naira biliyan 51.