Baza mu iya kawo karshen tsadar shinkafa ba – Muhyi

Shugaban hukumar karbar korafe-korafe da yaki da rashawa ta Kano Malam Muhyi Magaji Rimin Gado ya ce baza su iya dai-dai ta farashin shinkafa ba a yanzu domin matsalar ba daga masu samar da shinkafar bane.

Ya Kara da cewa hana shigowa da shinkafar da gwamnatin tarayya tayi shine musabbabin tsadar shinkafar, kuma gwamnatocin jihohi ba za su iya tabuka komai akai ba.

Magajin ya kuma ce gwamnatin tarayya ce kadai za ta iya kawo karshen matsalar ta hanyar bada dama a ci gaba da shigo da shinkafar kamar yadda ake shigowa da alkama.