Buhari ya fara bai wa matan karkara tallafin Dubu Ashirin-Ashirin

Buhari ya fara bai wa matan karkara tallafin Dubu Ashirin-Ashirin

Gwamnatin tarayya ta fara bai wa matan karkara tallafin dubu ashirin-ashirin a jiya asabar.

An fara shirin ne a jihohin Borno da Yobe.

Akalla matan karkara dubu biyar da dari takwas da arba’in ne za su amfana da tallafin a jihar Borno, yayin da dubu uku da dari hudu za su ci gajiyar tallafin a jihar Yobe.

Da ta ke zantawa da manema labarai a gidan gwamnatin jihar Borno jim kadan bayan kaddamar da shirin, ministar kula da harkokin jinkai, dakile abkuwar ibtila’I, Hajiya Sadiya Umar Faruk, ta ce, shirin wani bangare ne na yunkurin da gwmanatin tarayya ke yi wajen rage fatara tsakanin al’ummar kasar nan.