Buhari ya nada sabon Magatakarda hukumar shirya jarabawar NECO ta kasa

Shugaban kasa Muhammadu Buhari ya amince da nada Farfesa Dantani Wushishi a matsayin sabon magatakarda kuma Babban Jami’in Hukumar Kula da Jarabawar NECO ta Kasa.

Hakan na cikin wata sanarwa dauke da sa hannun Ministan ilimi, Adamu Adamu kuma ya rabawa manema labarai a Abuja.

Sanarwar ta ce, an nada Farfesa Wushishi ne sakamakon mutuwar tsohon magatakardar hukumar Farfesa Godswill Obioma a kwanakin baya.

Yayin da yake taya shi murna, Adamu Adamu ya bukaci sabon Shugaban Hukumar da ya tabbatar da cancantarsa ta hanyar daukaka hukumar shirya jarabawar don yin gogayya da takwarorinta a duniya.