Buhari ya sauka a Kaduna daga Gambia domin ƙaddamar da aiyuka

Shugaban ƙasa Muhammad Buhari ya zarce jihar Kaduna a daren jiya Alhamis daga Banjul na ƙasar Gambia, inda yaje taron rantsar da shugaba Adama Barrow karo na biyu.

Ana sa ran shugaba Buhari zai ƙaddamar da wasu aiyuka da Gwamna Nasiru El-rufa’i yayi a Kaduna.

Jaridar Daily Trust ta ruwaito cewa, aiyukan da ake sa ran Shugaban ƙasar zai kaddmar sun haɗa da wasu a Kafancan dake kudancin jihar ta Kaduna da Zaria da sauransu, wanda zai fara ziyar ta daga yau Alhamis zuwa gobe Juma’a.