Buhari ya sha alwashi kawo karshen sace-sacen dalibai a Najeriya

Shugaban kasa Muhammadu Buhari ya ce gwamnatinsa ta yi shirin daukar mataki na musamman wanda zai kawo karshen sace-sacen dalibai a kasar nan.

Shugaban kasar wanda ya samu wakilcin ministan sifirin Jiragen sama Sanata Hadi Sirika ya bayyana hakan ne a garin Gusau babban birnin jihar Zamfara bayan wata ziyarar jaje da tawagar gwamnatin tarayya ta kai wa al’ummar jihar game da sace daliban.

Ya ce gwamnatin tarayya ta bullo da sabbin dabaru wanda za ayi amfani da su wajen shawo kan matsalar rashin tsaro a kasar nan.

A cewar shugaban kasar ya kadu matuka da jin labarin sace daliban a don hakan ne ya sa ya tashi haikan wajen ganin wannan matsala ba ta sake faruwa ba.