Cutukan da malamai ke fesawa jama’ar Kano sun fi HIV muni – Baba Impossible

Gwamnatin jihar Kano za ta yi wata doka da zata riƙa gwada ƙwaƙwalwar malamai a Kano.

Kwamishinan harkokin addinai Dakta Tahar Baba Impossible ne ya bayyana hakan ga sashen Hausa na BBC.

Baba Impossible ya ce, ma’aikatar addinai za ta rubuta wani ƙuduri zuwa ga majalisar dokoki, da za ta bada damar gwada ƙwaƙwalwar malami kafin fara wa’azi a Kano.

Ya ce, dokar za ta bada damar duk malamin da zai yi wa’azi sai ya kawo shaidar gwajin ƙwaƙwalwar sa daga asibiti da ke tabbatar da ƙwaƙwalwar sa ba ta da matsala.

A cewar Baba Impossible ” Cututtukan da malamai ke watsawa a tsakanin al’umma sun fi cutar ƙanjamau illa”.