Da ɗumi-ɗumi – An tsige shugaban majalisar dokoki da mataimakin sa a Kebbi

Majalisar dokokin jihar Kebbi ta tsige shugaban majalisar Abdulmumeen Kamba da mataimakinsa Alhaji Muhammad Buhari-Aleiro.

Shugaban kwamitin yada labarai da al’adu na majalisar, Alhaji Muhammad Tukur ne ya sanar da tsigewar bayan zaman majalisar na sirri.

Ya ce nan take aka maye gurbin shugaban da mataimakin mai tsawatarwa Muhammad Abubakar Lolo yayin da aka maye gurbin mataimakin shugaban majalisar da Muhammad Usman.

Tukur, bai bayyana dalilin tsige shugabannin ba, sai dai ya ce, mambobin majalisar 20 cikin 24 sun halarci zaman.