Gasar kyau: Oluchi Madubuike mace mafi kyau a Nigeria

An gudanar da gasar kyau ta ƙasa a jihar Lagos.

A Asabar ɗin nan ne aka shirya gasar kyau a wani katafaren Otel da ke jihar lagos.

Oluchi Madubuike ce ta wakilci matan birnin tarayya Abuja a yayin gasar, kuma ita ce ta zamo wadda aka zaɓa a matsayin matar da tafi duk wata mace kyau a Nigeria.

Sarauniya Oluchi Madubuike ta ƙwace kambun sarautar ne a hannun abokiyar karawarta Nyekachi Ester da ta kwashe kimanin shekara biyu riƙe da kambum gasar.

Kazalika, sarauniyar ita ce za ta wakilci Nigeria a gasar ƙasa da ƙasa da za’a gudanar a Puerto Rico ranar 16 ga watan Disamba shekarar nan da mu ke ciki.