Hukumar rabon arzikin kasa za ta yi garambawul ga albashin masu rike da mukaman siyasa

Hukumar rabon arzikin kasa ta ce nan ba da jimawa ba, za ta bibiyi albashin masu rike da mukaman siyasa da kuma jami’an hukumar bangaren shari’a.

Shugaban hukumar Elias Mbam ne ya bayyana haka yayin zantawa da manema labarai a garin Amagu da ke yankin karamar hukumar Ikwo a jihar Ebonyi.

Sai dai bai yi karin haske kan ko sake bibiyar albashin zai janyo rage albashi ne ko kuma yi musu kari ba.

Ya kuma ce hukumar tana shirye-shiryen gudanar da taron jin ra’ayin jama’ar Najeriya game da wannan batu