ICPC: zata rinka bibiyar kudaden da aka ware don yakar Covid-19

Hukumar yaki da cin hanci ta ICPC ta kafa wani kwamiti da zai ke bibiyar kudadan da aka ware domin yaki da cutar Corona.

Mai Magana da yawun hukumar Mrs Rasheedat Okoduwa ce ta bayyana haka a wata sanarwa da ta fitar a birnin tarayya Abuja.

Okuduwa tace gamayyar jamian ta hukumar ICPC zata saka ido game da yadda zaa rika raba kudaden tallafin cutar ta Corona da sauran taimakon da zaa bayar da kuma abubuwan da aka karba daga guraran al’umma domin yaki da cutar.

Okuduwa ta kuma jaddada matsayar hukumar ta ICPC na kira ga duk masu ruwa da tsaki a harkar ta cutar covid 19 da su nesanta kansu daga duk wani abu da zai sa su fada cikin ayyukan cin hanci da rashawa.