Ilimi: Rashin kudi ne yake hana mu yi wa Malamai karin girma -Ganduje

Gwamnatin jihar kano ta ce rashin kudi a hannun gwamnati ne ya sanya ta gaza yiwa malamai karin girma.

Gwamnan Kano Dakta Abdullahi Umar Ganduje ne ya bayyana hakan yayin taron duba yadda ayyukan harkokin ilimi ya ke a jihar.

Ganduje ya ce, a yanzu gwamnati ta fara shirye-shiryen dawo da yiwa malaman makarantu karin girma musamman ma na makarantun firamare.

“Lokacin da muka karbi gwamnati min ci gaba da yiwa Malamai karin girma, sai dai bangaren yana cinye makudan kudade” a cewar Ganduje.

Kazalika gwamna Ganduje ya ce za a samarwa malaman makarantu gidaje masu saukin kudi da kuma kayan more rayuwa a cikin su.