Inganta ilimi: Za mu ginawa ma’aikata gidaje a ƙananan hukumomin su – Ganduje

Gwamnatin jihar Kano ta ce, za ta gidaje dubu 10 ga ma’aikata a faɗin jihar.

Kwamishinan sufuri Mahmud Muhammad Santsi ne ya bayyana hakan yayin zantawar sa da Freedom Radio.

Santsi ya ce “Tuni gwamnati ta samar da filayen da za a ginawa ma’aikata gidaje don samar musu da sauki wajen zuwa guraren ayyukan su musamman ma malamai”.

Ya ƙara da cewa, a kowacce ƙaramar hukuma za a gina gidaje 100 da za’a fara da ƙananan hukumomi guda bakwai 7.

“Gwamnan kano Dakta Abdullahi Umar Ganduje ya sahalewa wannan ma’aikata domin siyo motoci masu ɗaukar mutane hamsin da shida 56 guda ɗari 100 don sauƙaƙa sufuri a Kano.

Mahmud Muhammad Santsi ya ce, nan ba da daɗewa ba matsalar cinkoson ababen hawa a jihar Kano za ta zama tarihi.