Jihohin Najeriya sun ta’allaka ne da kudaden da gwamnatin tarayya ke ba su – NESG

Kungiyoyin bunkasa tattalin arzikin Najeriya wato NESG, sun zargi gwamnatin jihohi da dogaro da kudaden suke samu daga asusun gwamnatin tarayya.

Shugaban gamayyar kungiyoyin Laoye Jaiyeola ne ya bayyana hakan yayin gabatar da wani rahoto kan kasafin kudin jihohi a Abuja.

Jaiyeola ya ce, yawan dogaro da kudaden ne ke sanya jihohin yin wasarairai da fannin kudaden shiga da suke samarwa.

Ya kuma ce, gazawar gwamnati a matakin jiha ya fito fili idan a ka yi la’akari yawan rashin aikin yi ga matasa a kowace jiha, ya na mai cewa sai an dauki kwakkwaran matakai ko da za a kawo karshen matsalolin a ke fuskanta.