KNUPDA ta karyata zargin gina shaguna a jikin makarantar Zawachiki

Hukumar tsara birane ta jihar Kano KNUPDA ta karyata labarin da ke yawo cewa ta bayar da izinin gina shaguna a jikin wata makaranta a Zawachiki.

Mamba a kwamitin duba gine-ginen da aka yi ba bisa ka’ida ba na hukumar Sadiq Ali Sango ne ya sanar da hakan yayin ganawa da menama labarai.

Sango ya ce shagunan da ake zargin hukumar ta yanka suna gefen wani fili ne mallakin gwamnatin Kano mai lamba TP/KASEPPA/246, wanda basu da alaka da wata makaranta, kamar yadda wasu ke zargi.