Kungiyar Yan kasuwar Singa ta bukaci daukin gwamnan Kano

Kungiyar yan kasuwar Singa da ke Kano, AMATA ta bukaci gwamnatin Kano karkashin Gwamna Injiniya Abba Kabir Yusuf da ta waiwayi kasuwar donin cika alkawarin da ya dauka na samar musu da titi da kuma magudanan ruwa duba da karatowar lokacin damuna.

Shuagaban kungiyar Alhaji Musa Ibrahim Nabanki, ne ya bukaci hakan la’akari da dinbim matsaslolin da kasuwar ke  bukatar a tallafa musu.

Haka kuma, Alhaji Musa ya bukaci gwamna Abba Kabir Yusuf, da ya gudanar da bincike kan kudin da aka ware don tallafa wa kananan ‘yan kasuwa don gano inda aka kwana kan batun.