Mummunar gobara ta kone shaguna Goma a Kano

Gobara ta kone shaguna 10 a kasuwar Kafin Maiyaki da ke Karamar Hukumar Kiru a jihar Kano.

Rahotanni sun bayyana cewa, gobarar ta tashi ne daga wasu shaguna da ke bakin babban titin Zariya zuwa Kano a Kafin Maiyaki, Kwanar Dangora.

Shedun gani da ido sun bayyana cewa wutar ta bazu cikin sauri, inda ta cinye shaguna kusan guda goma kafin a samu nasarar kashe ta.

Rahotonni sun ce gobarar ta janyo asarar dukiya mai yawa.