Labarai
Mun umarci sarakuna su kama aiki nan take- Gwamna Abba
![](https://freedomradionig.com/wp-content/uploads/2024/07/IMG-20240717-WA0001.jpg)
Gwamnan Kano Alhaji Abba Kabir Yusuf ya naɗa sababbin sarakuna masu daraja ta biyu a jihar.
Wannan na ƙunshe ne ta cikin wata sanarwa da babban daraktan yaɗa labaran Gwamna Alhaji Sunusi Bature Dawakin tofa ya fitar ya tabawa manema labarai
Waɗanda aka naɗa ɗin su ne Alhaji Aliyu Ibrahim Abdulkadir Gaya, a matsayin Sarkin Gaya, wanda kafin naɗinsa shi ne tsohon Sarkin Masarautar Gaya da aka rushe.
Sai Alhaji Muhammad Mahraz Karaye, a matsayin Sarkin Karaye, wanda kafin naɗinsa shi ne hakimin Rogo.
Sai kuma Alhaji Muhammad Isa Umar, a matsayin Sarkin Rano, wanda kafin naɗinsa shi ne hakimin Bunkure.
A cikin sanarwar da aka fitar naɗin zai fara aiki nan take.
You must be logged in to post a comment Login